Alibeaj përjashtoi 4 deputetë, Berisha: Mjerani zbatoi një urdhër të Edi Ramës!
Nuk ishte në dijeni nëse janë mbledhur firmat për shkarkimin e Kryetarit të Grupit Parlamentar, Enkelejd Alibeaj, ndërkohë përjashtimin e 4 deputetëve nga Grupi, Kryetari i Partisë Demokratike, Sali Berisha, e cilëson si zbatim të urdhërit të Edi Ramës nga një mjeran.
“Zbatoi si mjeran një urdhër të Edi Ramës. I keqpërdorur në shkallën më ekstreme nga Edi Rama për arsyet që i di vetë ai. Zbatoi një urdhër të Edi Ramës duke shkelmuar edhe më shumë mbi dinjitetin e tij,” tha Sali Berisha ndërsa të ardhmen e Grupit Parlamentar të PD, tashmë e sheh si Grup kompakt:
“E ardhmja e Grupit Parlamentar, do të jetë një grup kompativ, një grup i cili do të mbrojë me të gjithë potencialin e vetë interesat e qytetarëve. Do të bëjë gjithçka për të shumëfishuar kontrollet çka është detyra kryesore e opozitës. Ju e shihni se kjo qeveri nuk ka se ku ta kapësh më parë.
Rasti i Alda Klosit mund të jetë secila nga ministret, secili nga ministrat. Vetë Edi Rama. Vjen zonja me 40m2 apartament dhe bëhet me 7 apartamente, fillon ndërtimin, lumturon edhe të tjerë përreth saj. Nuk ndodh kund. Ka bjë shpërthim të këtij llumi në mënyrën më të paimagjinueshme, më të pakonceptueshme sepse kurrë një qeveri nuk mund t’i lejojë vetes abuzime në këtë shkallë.
E them edhe një herë, ajo që ishte po kaq përpjekje e Edi Ramës për ta fshehur emrin e Alda Klosit. Jau them. Emri i Alda Klosit më është dërguar nga qytetari digjital sapo doli skandali dhe e bëra publike sepse nuk po e bënin publik emrin e zyrtares, përkundrazi po përpiqeshin të përdornin të njëjtën skemë që kanë përdorur me Damian Gjiknurin, Spiropalin, Ilir Beqen e me rradhë. Këta kudo që t’i prekësh para të vjedhura nxjerrin,” tha Kryetari i PD, Sali Berisha, duke u shprehur i gatshëm të pranoj vullnetin e deputetëve të Partisë Demokratike, nëse ata votojnë Ervin Salianjin për kryetar të Grupit Parlamnetar, i cili aktualisht është Nënkryetar i Grupit!
