Reshje shiu, Instituti Hidrometeorologjik i Kosovës: Priten vërshime të shpejta dhe përmbytje!

Pas reshjeve të dendura të shiut për dy ditë me radhë, Instituti Hidrometeorologjik i Kosovës paralajmëron se situata e vështërsuar hidrometeorologjike, pritet që të vazhdoj dhe gjatë ditëve në vijim, prandaj edhe nivelet dhe prurjet e lumenjëve, pritet të ngriten dhe të shkaktojnë përmbytje.

Rrëshqitjet e mëdha të dheut, pas shiut të pandërprerë për 48-të orë, kanë bërë që rruga Junik-Gjocaj-Gjeravicë të jetë e paqarkullueshme. Por, reshjet e shiut që nga dita e djeshme kanë krijuar vështirësi të mëdha në qarkullim në shumë fshatra të komunës së Deçanit, përfshirë këtu edhe disa lagje të qytetit.

Ndërkohë erërat e forta që përfshinë vendin mbrëmjen e së mërkurës krijuan mjaft shqetësime te banorët Prizrenit ku kulmet e dy banesave ranë në tokë, u dëmtuan disa makina, u rrëzuan shtyllat elektrike, por për fat nuk kishte dëme në njerëz.

Njoftimi:

Si pasojë e reshjeve të shiut gjatë ditëve të fundit, sidomos në pjesën perendimore, veroperendimore dhe veriore të Kosovës, disa lumenjë kryesisht ata me karakter të rrëkeve, kanë paraqitur disa vërshime të shpejta, ndërsa nëpër disa segmente të lumenjëve kryesorë janë shkaktuar edhe përmbytje të lokalizuara lumore, të cilët mund të kenë shkaktuar vështirësi dhe probleme, si në rrëshqitje të dheut, mbyllje të kanalizimeve dhe vështirësi të qarkullimit, por edhe përmbytje të tokave bujqësore.

Situata e vështërsuar hidrometeorologjike, pritet që të vazhdoj dhe gjatë ditëve në vijim, prandaj edhe nivelet dhe prurjet e lumenjëve, pritet të ngriten dhe të shkaktojnë vërshime/përmbytje