Edi Rama shmang aktulitetin e zi, kujton Ditën e Përkujtimit të Holokaustit që është nesër
Përdhosja e autoritetit të FBI nga kjo Qeveri sot nuk është asgjë krahasuar me Rendin e Ditës së sotme të seancës plenare. Sot mazhoranca e Edi Ramës, duke keqpërdor Ditën Ndërkombëtare të Përkujtimit të Holokaustit i ikë aktualitetit që është rënduar vetëm këtë javë duke lënë në hije dhe skandalin e kësaj dekade, inceneratorët, dhe organizon një seancë plenare në kujtim të kësaj dite ndonëse zyratrisht ajo nuk është sot.
Dhe, deri sa qytetarët ishin në pritje të sqarimit të Shqipërisë me pagat më ulëta dhe çmimet më të larta në rajon, përgjimet e 21 Janarit që mbinë në fillim të kësaj fushate zgjedhore dhe padisin Ish-Kryeministrin Sali Berisha dhe Ish-Ministrin e Brendshëm, Lulzim Basha, si dhe përdhosjen që iu bë institucionit të FBI përmes bashkëpunëtorëve të Kryeministrit që korruptojnë dhe zyrtarët e saj të lartë, atyre iu serviret përkujtimi i çështjes më të ndjeshme jo vetëm ndër shqiptarë, viktimat e Holokaustit!
Një Parlament që nuk prodhon asgjë të mirë për qytetarët shqiptarë, nuk ka as kohë që në një seancë të posaçme të kujtojë me dinjitet, nesër më 27 janar, kur është dhe zyrtarisht Dita Ndërkombëtare e Përkujtimit të Holokaustit.
Përdhosja e kësaj Dite bëhet edhe më e rëndë kur ky vendim miratohet edhe nga analfabetët shërbëtorë të kësaj mazhorance që mbrojnë interesat e Lulzim Bashës në Kryesinë e Parlamentit dhe jo vetëm, dhe lejojnë shmangien e çështjeve aktuale të ditës duke kujtuar një ditë që në mbarë botën kujtohet nesër.
Kështu, seanca e sotme plenare ka këtë Rend të Ditës:
Ndryshe, Asambleja e Përgjithshme OKB-së caktoi 27 janar si Ditën Ndërkombëtare të Përkujtimit të Holokaustit, datë e cila përkon me përvjetorin e çlirimit të kampeve të vdekjes Auschvitz-Birkenau në vitin 1945.
