Bordi i Edi Ramës rrit çmimin e karburanteve, nafta 210 lekë, benzina 192 lekë/litri

Bordi i Transparencës ka vendosur sërish për rritjen e çmimeve të të karburanteve.

Kështu sipas vendimit të Bordit, një litër naftë do të tregtohet me 210 lekë për litër, nga 208 lekë që është sot.

Benzina do të tregtohet me 192 lekë për litër nga 189 lekë që është ndërsa gazi ka pësuar ulje dhe do të tregtohet me 69 lekë nga 71 lekë për litër sa ishte deri më sot.

Kjo është mbledhja e dytë brenda këtij viti e Bordit të Transparencës ashtu si dhe rritja e dytë e çmimeve të karburanteve.

Ndryshe, çmimet e caktuara nga Bordi hynë në fuqi sot në datë 25 Janar, ora 18:00, dhe do të jenë të vlefshme deri në mbledhjen e ardhshme të Bordit ku do të pasqyrohen ndryshimet e çmimeve të shitjes.

Njoftimi:

Çmimi i shitjes me pakicë i nënproduktit gasoil i standardit SSH EN 590 të jetë jo më shumë se 210 lekë/litri, ndërsa i shitjes me shumicë jo më shumë se 198 lekë/litër.

Çmimi i shitjes me pakicë i nënproduktit benzinë e standardit SSH EN të jetë jo më shumë se 192 lekë/litri, ndërsa i shitjes me shumicë jo më shumë se 180 lekë/litër.

Çmimi i shitjes me pakicë i nënproduktit gaz, të jetë 69 lekë/litri me pakicë dhe i shitjes me shumicë 57 lekë/litër për automjetet.

Çmimi i gazoilit për peshkim është vendosur 116 lekë/litër.

Çmimet e caktuara nga Bordi do të hynë në fuqi në datë 25 Janar, ora 18.00, dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.