Nën pamjet apokaliptike nga Turqia, parashikim i frikshëm i Institutit Gjeologjik Amerikan

Ndërsa bota u trondit me pamjet me dron që erdhën nga Turqia ku shihen shumëkatëshe të rrafshuara me tokë dhe rrëfimi për BBC i një qytetari të mbijetuar turk me emrin Asllan, në qytetin Adana, vijnë dhe vlerësime të frikshme që dhe tronditjet do bëjnë më të mëdha nga ajo që do shohim në orët në vijim nga ajo që do dali nën pamjet apokaliptike që la tërmeti!

 “Nuk kam parë kurrë një gjë të tillë, jemi tundur rreth një minut. Kur dola jashtë me familje pashë që katër pallatet që kishim përreth ishin rrafshuar me tokë,” tha Nilüfer Asllan i cili jetonte në katin e pestë të pallatit që nuk u shkatërrua i tëri.

Ndërkohë vijnë vlerësime të frikshme nga ajo që do shohim nën rrënojat apokaliptike që la ky tërmet në jug të Turqisë. Sipas Institutit Gjeologjik Amerikan, USGS, numri i viktimave mund të shkojë deri në 10.000 të vdekur!

Sipas vlerësimeve të USGS, 47% është mundësia që numri i të vdekurve të shkojë nga 1000-10.000 persona, 27% që ky numër të shkojë nga 100-1.000 dhe 20% ka mundësi që numri i të vdekurëve të shkojë nga 10.000 deri në 100.000 persona.

“Me siguri se kemi të bëjmë me një numër të madh të viktimave dhe dëmeve materiale, e katastrofa ka përmasa të mëdha,” thuhet në raportin e USGS.

“Popullsia jeton në struktura që janë shumë të ndjeshme ndaj tërmeteve, edhe pse ka disa struktura rezistente.”

Raporti i USGS gjithashtu vlerëson se humbjet ekonomike shkojnë nga 1 deri në 10 miliardë dollarë, që mund të arrijë deri në 2% të PBB të Turqisë.

Ndryshe, deri më tani janë konfirmuar zyrtarisht 600 të vdekur dhe mbi 3.000 të plagosur në Turqi dhe Siri.