Turqi-Siri, rreth 24 mijë të vdekur por shpresa vdes e fundit, nxirret një vajzë pas 45 orësh nën rrënoja!
Shifra të trishta vijnë nga zonat e goditura nga tërmeti në Turqi dhe Siri ku tashmë numri i të vdekurëve raportohet se është 23.766, por, po nga këto zona vijnë lajme shpresëdhënëse kur nga rrënojat nxirren edhe njerëz pas 45 orësh.
Fjala është për vajzën 10 vjeçare Rama Al-Ahmed e cila nga shtrati i saj në një spital sirian ka rrëfyer çastet e tmerrit 45 orë nën rrënoja.
Ekipi i kërkim-shpëtimit “Helmetat e Bardha” kanë nxjerrë nga rrënojat përveç Ramës edhe vëllaun e saj gjashtë vjeçar, Zajed, dhe motrën pesë vjeçare Sham, që i mbijetuan këtij tmerri.
“E fundit që kujtoj është se kam vrapuar shkallëve duke mbajtur motrën dhe vëllaun për dore dhe në atë moment i gjithë pallati pesë katësh u shemb i tëri mbi ne.
Mbetëm të ngujuar në një vend, e pranë neve ishte nëna jonë e vdekur,” tha Rama në spitalin e Idlibit i cili është nën kontrollin e rebelëve.
“Nëna më ka vdekë, por unë, vëllau im dhe motra u ngujuam. Kemi bërtitur, ishte errësirë dhe tmerr,” përshkruan vjaza 10 vjeçare çastet e tmerrit.
“Ishte ftohtë,” tha Rama duke folur për lutjet që bënte të vdes para vëllaut dhe motrës sepse nuk dëshironte të shikonte se si po vdesin ata para syve të saj.
“Dhe, erdhi uji deri tek ne dhe mezi merrnim frymë, ndërsa binte shi. Fillova ti shtyjë vëllaun dhe motrën sepse uji u mbushë deri në gjysmën e trupit tonë. Për një moment, pas disa orëve kam parë një dritë që po depërtonte drejt neve. Nuk mund të bërtisja shumë sepse isha e lodhur dhe zëri mu kishte ngjirur,” tha Rama duke rrëfyer çastet deri sa filloi të dëgjoj dhe ca zëra, që ishin zërat e grupimit sirian të shpëtimtarëve “Helmetat e bardhë” i cili vepron në zonën e luftës në Siri me vite tëra.
“Dëgjova një zë të një njeriu që më thotë: Këtu jam. Po vijë t’ju shpëtoj, mos keni frikë,” rrëfen Rama me zërin e saj të ngjirur.
Another rescue … of a different child named Sham.
— The White Helmets (@SyriaCivilDef) February 9, 2023
Our teams rescued Sham and her siblings, Zaid and Rama, from under the rubble of their house in the village of Meles, west of #Idlib. We had hoped that their mother would be with them, but death preceded us.#Syria #earthquake pic.twitter.com/Dufp7H1ZEM
Në videon i cili u publikua nga Helmetat e Bardha shihen vullnetarët e tyre si depërtojnë në rrënoja deri të fëmijët e ngujuar.
Rama, vëllau dhe motra në spitalin e Idlibit po rehabilitohen nga lëndimet e marra.
“Rama nuk e din, por njëri prej gishtave i është amputuar,” tha babai i saj, Zuheir Ahmad duke shtuar:
“Nuk i kemi thënë ende se ka mjaft trauma,” tha Zuheir ndërsa dy fëmijët tjerë kanë disa të prera dhe hematoma.
“Kam humbur gruan, por kam fat, vazhdoj të kem fëmijët,” tha Zuheir Ahmad i cili në momentin e tërmetit po kujdesej për babanë e sëmurë, vetëm disa metra nga shtëpia.
“Kur e kam ndjerë tërmetin, nxitova dhe pashë gjithë familjen nën rrënoja,” tha kryefamiljari, anëtarët e së cilës familje ishin plotë 45 orë nën rrënoja.
Ndryshe, tërmeti shkatërrimtar i 6 shkurtit me magnitudë 7.8 të shkallës Rihter me epiqendër rreth 26 kilometra nga qyteti Nurdagi dhe rreth 33 kilometra larg qytetit Gaziantepnë la aktualisht 20.213 të vdekur në Turqi ndërsa në Siri 3.553 të vdekur ndërsa janë mbi 75 mijë të plagosur ndërkohë që numri i viktimave vazhdon dhe rritet.
