Largohu, jep dorëheqje, Berisha: Edi Rama, ti je një rrezik madhor për sigurinë e Shqipërisë!

Nisi si Protestë Kombëtare para Kryeministrisë, dhe nën kryesimin e liderit të opozitës, Sali Berisha, vazhdoi marshimi drejt institucioneve me ndihmën e të cilave Kryeministri Edi Rama shkatërroi Shqipërinë: Parlament, Ministri të Brendshme dhe Bashkinë Tiranë.

“Sot në ditën e siparit të revolucionit tonë demokratik, për përmbysjen e monizmit dhe fitoren e demokracisë, do të themi të vërtetat tona. Pra qëllimi kryesor i këtij revolucioni është të mbrojmë të vërtetat, por jo vetëm ti mbrojmë. Të bëjmë çdo sakrificë, çdo përpjekje që ato të triumfojnë. Rroftë fitorja,” tha Sali Berisha në fjalën e tij para Kryeministrisë ku ishin tubuar mijëra qytetarë duke përfunduar:

“Edi Rama ik! Edi Rama largohu! Edi Rama jep dorëheqjen!

Edi Rama, harroje se mund të përjashtosh këtë popull nga vota dhe zgjedhjet.

Ju ftoj të vazhdojmë ne marshin e lirisë, të vazhdojmë ne marshin e fitores!

Rrofshi ju! Rroftë opozita! Rrofshin shqiptarët dhe Shqipëria! Zoti ju bekoftë ju dhe flamurin e saj!”

Për të pëfunduar me mesazhin për ditën e hënë para Parlamentit, aty ku Revolucioni vazhdon:

“Miqtë e mi!

Dita e hënë është ditë parlamenti. Revolucioni na fton, të gjithë para parlamentit.

Populli i protestës, populli i fitores, të gjithë të bashkohemi të kalojmë nga beteja në betejë deri në fitoren tonë përfundimtare.”

Fjala e plotë e Kryetarit të PD, Sali Berisha

Qytetare dhe qytetarë të pranishëm në këtë cunam popullor të revolucionit demokratikë, shqiptarë dhe shqiptarë kudo që jeni në Shqipëri, Kosovë, Maqedoni, Mal i Zi, SHBA, Europë që keni pritur me padurim këtë ditë, ditën e madhe të siparit të revolucionit demokratik, të përmbysjes së monizmit të dytë në Shqipëri, një përshëndetje vëllazërore kudo që jeni.

Miqtë e mi!

Do ta nis fjalën time me një shprehje të të famshmit Xhorxh Oruell, i cili shkruan se; Është akt revolucionar të thuash të vërtetën në kohë gënjeshtre.

Ndaj dhe sot në ditën e siparit të revolucionit tonë demokratik, për përmbysjen e monizmit dhe fitoren e demokracisë, do të themi të vërtetat tona. Pra qëllimi kryesor i këtij revolucioni është të mbrojmë të vërtetat, por jo vetëm ti mbrojmë. Të bëjmë çdo sakrificë, çdo përpjekje që ato të triumfojnë. Rroftë fitorja.

Në protestën e fundit opozita pro perëndimore e Shqipërisë, u tregoi të vërtetën lidërve Europianë se Edi Rama është kryeministri më i korruptuar në Europë se ai është kreu i narkoshtetit të parë dhe të vetëm të kontinentit, se Edi Rama është narkokrati që duke vjedhur votën, buxhetin, pasurinë publike të shqiptarëve është shndërruar në shpresëvrasësin më të madh në Europë dhe një nga 3 shpresëvrasësit më të madhej në botë.

Të gjithë e mbani mend, baltën që hodhi Edi Rama mbi opozitën për ta heshtur atë. Të gjithë shqiptarët i mbajnë mend masat që mori kundër popullit opozitar, për të mos protestuar atë ditë. Të gjithë mbani mend atentatin që ai organizoi me një mjeran të paguar për të bërë që zëri ynë të heshte, por ai mori turpin botëror, zëri ynë ushtroi në të gjithë botën.

E vërteta kurrë nuk mbulohet dot, e vërteta gjithmonë triumfon ashtu si ajo rrezja e diellit që ndriçon dhe shpërndan terrin e errësirën, e vërteta jonë bëhet gjithmonë e më e ndritshme në Shqipëri dhe tek miqtë tanë kudo në botë.

Sot mediat e gjithë botës, po flasin të vërtetën që shprehi opozita dy muaj më parë në atë protestë. Sot mediat e mbarë botës, prej dy javësh mbajnë në faqe të para skandalin më të madh korruptim botëror të këtij shekulli, ‘Uatergaten’ e shekullit të 21.

Në këtë skandal, Edi Rama është i vetmi kryeministër që përmendet 14 herë në aktpadinë e çështjes në të cilën ai korruptoi dhe përdori si vrasës me pagesë kundër opozitës perëndimore të Shqipërisë dhe pluralizmit politik, njërin nga zbuluesit më të fuqishëm të planetit.

A ka krim, aktin kushtetues më të shëmtuar se ky?

A ka atentat më të rëndë ndaj demokracisë së një vendi se ky?

A ka turp më të madh për Shqipërinë se sa ky akt?

Dikur Shqipëria bënte lajmin e botës për pritjen madhështore për presidentin e SHBA, sot Shqipëria përbën lajmin e botës se narko kryeministri i saj, pa fe, pa ideal, pa flamur, pa atdhe, sikur të ishte Lukashenko i Bjellorusisë, korrupton shefin e kundërinteligjencës së FBI, partnerit tonë më strategjik, udhëheqësit të Aleancës së Atlantikut të Veriut.

Dikur Shqipëria bënte lajm për hyrjen në NATO, sot bën lajm se kryeministri i saj barazohet me një oligark rus, mik të Putinit, strofull të shërbimeve kriminale, inteligjente ruse.

Ku të dy së bashku korruptojnë funksionarin më të lartë të kundërzbulimit të SHBA-së, njëri për interesa të Putin, kurse tjetri për interesa të pushtetit të tij të korruptuar.

O besprerë, Kombi nuk ka pasur një faqezi të dytë si ti. Jep dorëheqjen, largohu!

Pas këtij akti të pabesë, ndaj aleatit të kombit shqiptar, SHBA-së, vendin që udhëheq aleancën e Atlantikut të Veriut, Edi Rama nuk është më legjitim, nuk është më ligjërisht, politikisht, moralisht i njëjti njeri, ai nuk mund të jetë kurrë kryeministri i Shqipërisë, i vendit anëtar të NATO-s. Atë nuk e shpëton asgjë, asnjë skutë, asnjë marrëveshje, asnjë gënjeshtër, asgjë tjetër.

Jep dorëheqjen dhe largohu.

Edi Rama, këtë ndërtesë e ke blinduar, në Surrel ke futur në tunele, tanke dhe autoblinda të ushtrisë.

Tani të them këtu para këtyre burrave dhe grave, djemve dhe vajzave, ato tanke largoi nga Surreli, gjysëm e tyre dërgoi në Ukrainë, por stë lënë Putini dhe Vuçiçi sepse idelat tona, idealet e këtij revolucioni, shpojnë çdo blindë, asgjësojnë çdo tank. Mjerë ti që mendon se mund të mbrohesh në këtë mënyrë.

Zonja dhe zotërinj.

Shqipëria shifet sot në mbarë botën, si strofull e rrezikshme e korrupsionit, e krimit dhe drogës, vendi i një kryeministri që njëlloj si të ishte aleat i Putin, i korrupton zbuluesin më të rëndësishëm partnerin tonë kryesor, me këtë akt, duke korruptuar një nga njerëzit më të çmuar në fushën e sigurisë në SHBA, vendit që ka bërë më shumë se kushdo tjetër për lirinë e shqiptarëve. Ti Edi Rama ke kryer një akt armiqësor ndaj këtij vendi për të cilin Vladimir Putin, Kim Jon Un, Aleksandër Llukashenko janë gati të të varin dekoratën e tyre më të lartë, o faqezi.

Edi Rama gjatë këtyre viteve në pushtet, ke kryer, ke faktuar të gjitha llojet e tradhtive që mund të kryejë njeriu, por në kodin e lashtë të kombit tonë, tradhtia më e ulët është tradhtia ndaj mikut, është tradhtia që ndëshkohet në mënyrën më të rëndë, ndaj dhe nga ky shesh kërkoj; jep dorëheqjen, largohu, nisu aty ku e ke vendin, tek shtylla e turpit në banesën e tradhëtarëve. 

Revolucioni ynë do të fitojë!

Zonja dhe zotërinj!

Sot Shqipëria shihet si një vend ku mafia dhe kartelet e drogës pastrojnë paratë e krimit.

Në dy vitet e fundit si në asnjë vend tjetër, importet nga Kolumbia janë rritur jo 2, 6 apo 16 herë, por 60 herë për të shndërruar këtë tokë të bekuar, këtë vend, në një Kolumbi të dytë, për Europën.

Edi Rama, ti je një rrezik madhor për sigurinë e Shqipërisë, rajonit dhe më gjerë.

Jep dorëheqjen dhe largohu bashkë me organizatën tënde kriminale.

Revolucioni ynë nuk ndalet, gjer në largimin tuaj.

Sot falë teje, Shqipëria njihet si vendi me atë kryeministrin me atlete të bardha që flet me fjalor të ndyrë në mbledhjet me krerët më të rëndësishëm të botës, sepse vjedhja, korrupsioni yt të kanë gërryer shpirtin, të kanë zhdukur çdo vlerë, të kanë zhveshur nga çdo moral ndaj dhe flet kudo në atë mënyrë për të dëshmuar veten një trashëgimtar të denjë të etërve të tu xhelatë.

Jep dorëheqjen, largohu.

Pse duhet të durojnë shqiptarët të durojnë këtë poshtërim, këtë nxirje të imazhit të kombit?

Imagjinoni, të dashur qytetarë, miq të Shqipërisë, që një njeri si ky të verë këmbën, të bëjë hapin në samitin e NATO-s, çfarë do të ndodhë me Shqipërinë dhe shqiptarët?

Shqipëria dhe shqiptarët, një komb i tërë do skuqen nga turpi.

Edi Rama, ik, largohu, jep dorëheqjen!

Zonja dhe zotërinj, me politikat e tij, me qëndrimet e organizatës kriminale kanë larguar nga viti 2014 e deri më sot, nga ky vend i bekuar, 937 mijë shqiptarë, kanë larguar aq sa sirianët janë larguar nga Siria në një nga vendet më të egra që ai vend ka njohur.

Shqipëria nuk kishte luftë, nuk kishte një kalamitet natyrore, por Shqipëria kishte një shpresëvrasës, një njeri i cili i urren shqiptarët në qenie, që vjedh, varfëron, mashtron çdo ditë, këtë popull dhe komb, një njeri i cili mendon vetëm e vetëm për pasurimin e tij.

Një njeri i cili ndjen kënaqësi kur boshatis këtë vend nga banorët e tij.

Një njeri i cili në çdo qëndrim, mendim ndryshe sheh një armik, njëlloj si etërit e tij. Atëherë me këtë njeri ne duhet të ndahemi përfundimisht.

Edi Rama këtë vend të bekuar, këtë tokë të bekuar, këtë vend  me pasuri përrallore, me njerëz atdhetarë e shndërroi në një tokë të mallkuar, në një vend të mallkuar, i shndërroi në pasuri të mallkuara dhe bëri që shqiptarët të largohen dhe vetëm të largohen nga vendi i tyre.

Dy tre ditë më parë mbushi zyrën e tij me një grup vogëlushësh të cilët i lumturoi me dhurata. Por a e dini pse bëri, e bëri këtë akt vetëm për të shurdhuar, klithmat, piskamat, vajet, lotët e mjerimit të mijëra fëmijëve që largohen me prindërit dhe prap prindërit e tyre nga votrat familjare, nga toka, deti dhe me të gjitha mjetet, vetëm e vetëm për shkak të këtij njeriu që vetëm vret shpresë.

Duhet ta shporrim një minutë e më parë.

Miq të mi!

Në skandalin e fundit, në skandalin botëror, spikati një fakt, një zhvillim ndër më dramatikët.

Pas rënies së perdes së hekurt, sulmet brutale kundër opozitës shqiptare nga aleanca e korrupsionit shqiptar me individë ndërkombëtarë, me McGonigalër dhe të tjerë, është dukuria më negative; Populli opozitar dhe opozita perëndimore u bënë objekt sulmesh të papara.

Ish-kreu i opozitës u mor peng nga Edi Rama. Sali Berisha pa asnjë fakt, dokument, provë, nga kjo mafie, nga ky lobim, u sanksionua.

U bë gjithçka për t’i caktuar kryetarin opozitës. U bë gjithçka për ta shndërruar në pseudopozitë.

Edi Rama nuk bleu vetëm McGonigalë. Jo, duhet të jemi të sinqertë, ti themi gjërat, jemi këtu në sheshin e të vërtetave.

Ai korruptoi dhe bleu ambasadorë, deputetë, zyrtarë, që u angazhuan në beteja amorale në mbështetje totale të Edi Ramës, mandat pas mandati, skandal pas skandali.

U angazhuan në një betejë të pashembullt kundër opozitës pro-perëndimore të vendit, vetëm pse ajo guxonte të denonconte vjedhjen, korrupsionin, dhunën, të denonconte aktet e Edi Ramës, korruptorit  të tyre.

Kjo aleancë, sado që i shkaktoi opozitës shqiptare goditjet më të thella që mund të kishte njohur një opozitë, e cila ja ku është sot, më e fuqishme se kurrë.

Ne jemi sot më të fuqishëm se idealet tona kurrë nuk mposhten.

Ne jemi më të fuqishëm sot se vlerat që mbrojmë janë të drejta.

Ne jemi më të fuqishëm sot se e duam me gjithë zemër Shqipërinë.

Por, dhe njëherë theksoj. Nuk ishte aleancë midis qeverive perëndimore, qeverive të vendeve të lira dhe Edi Ramës. Por aleancë e rrezikshme mes individëve, ambasadorë, zyrtarëve, etj. që bënë gjithçka për të mëbshtetur Edi Ramën. Që dolën nga ato zyra me përfaqësues të Sinaloas, që morën qeset nga Duçkat e Ramës, vetëm që të na mposhtin ne.

Nga kjo tribunë, në emrin tuaj, në emrin e shqiptarëve që janë sot dhe që mbyllën sytë për ideale demokratike, i bëj thirrje qeverisë së SHBA, Kongresit, institucioneve të vendit të madh, të hetojnë të gjithë çfarë ndodhi këto vite me opozitën shqiptare. Të hetojnë veprimtarinë e Sorosit në Shqipëri, se si ky multimilairder bëri gjithçka për të ngritur në piedestal një kryekorruptor që sot moralisht është i varur në shtyllën e turpit të Shqipërisë, Europës, SHBA dhe mbarë botës.

I bëj thirrje Parlamentit Europian, qeverive të vendeve mike, të hetojnë dhe shqyrtojnë. Skandalet e Duçkës së Edi Rramës janë zinxhir. Hetimi i këtyre skandaleve është interesi më i mirë jo vetëm për Shqipërinë, por edhe vendet e tyre. I garantoj se ne do vazhdojmë betejën e pamposhtur deri në fitoren e plotë të revolucionit demokratik.

Të dashur miq!

Ne jemi sot këtu. Unë e di se të gjithë keni ardhur të pregatitur për betejë. Dhe ne jemi në betejë. Por thirrja ime është të shndërrohemi në qytëtarë të revoltuar protestues. Të shndërrojmë revolucionin tonë gjer në fitoren.

Thirrja ime është çdo ditë të bëjmë gjithçka për të shkurtar jetën këtij regjimi.

Edi Rama, regjimi i tij duhet përmbysur një ditë e më parë.

Ju siguroj se PD nuk synon gjë tjetër. Opozita nuk ka qëllim tjetër përveçse të mbysë monizmin. Të çlirojë shqiptarët nga ky monizëm i egër, i shëmtuar, represiv. Dhe t’i japë përgjigjen më të shpejtë së bashku me aleatët kësaj krize lubi që po përpin qënien e shqiptarëve. Në këtë kontekst ju garantoj se në aktet e para pas përmbysjes së këtij regjimi dhe votës së lirë të shqiptarëve do të jetë dyfishimi i rrogave.

Do të jetë minimumi jetik për çdo shqiptar aq sa rroga minimale. Do të jetë përgjysmimi i sigurimeve shoqërore, për fermerët dhe subvencion për çdo prpodhim të tyre. Do të jetë rikthimi i çmimit të energjisë në 7 lekë për familjarët dhe 6 lekë për bizneset. Do të jetë përgjysmimi i taksave për naftën. Subvencion i thellë i transportit publik.

Zero tolerancë ndaj bandave dhe krimit!

Do të jetë asnjë tender, asnjë koncension pa garë. Asnjë kompani offshore s’do të mund të marrë pjesë kurrë në gara në Shqipëri. Do anullohet çdo kontratë e paligjshme. Do dërgohen për ndjekje penale Edi Rama dhe të gjithë firmatarët.

Asnjë udhëtim me çarter qeveritar, vetëm klas ekonomik.

STOP ndërtimeve të reja të Tiranës. Luftë për një mjedis që ruan dhe mbron shtetin tuaj.

PD do amnistojë çdo detyrim që krijohet në këtë periudhë që Shqipëria ka në krye. Të qeverisë një person i cili ndodhet në hetim ndërkombëtar.

Sot është koha që me këtë revolucion të nxjerrim nga dyshekët dhe tubat e ajrimit, sobat dhe muret paratë që këta hajdutë ju kanë marrë ju. T’ua kthejmë në rroga dhe pensione dhe ne do ta bëjmë këtë.

Sot është koha që paraë e shqiptarëve të mos shpërndahen nëpër botë si ryshfet për shkatërrimin e opozitës, por të investohen brenda vendit për zhvillimin e ekonomisë, për krijimin e mundësive për të rinjtë në mënyrë që ëndrrat e tyre të mos jenë një arratisje nga Shqipëria, por ndërtimi i jetës së tyre të bukur siç e meritojnë në atdheun e prindërve të tyre.

Prandaj dhe zgjedhja është e tillë. T’i themi jo vjedhjes. T’i themi jo manipulimit. T’i themi jo gënjeshtrave. Dhe t’i themi po dinjitetit, t’i themi po zhvillimit, po të ardhmes sonë europiane.

Lideri legjendar Mahatma Gandi, i revolucionit paqësor me të cilin ai çliroi Indinë nga kolonizmi ka thënë se: Mosbindja civile kthehet në detyrë të shenjtë, kur shteti humbet ligjshmërinë dhe korruptohet!

Jemi në një mision të shenjtë kundër një shteti që sillet më keq se çdo pushtues osman, nazist, fashist, diktaturë që ka njohur Shqipëria gjer më sot.

Edi Rama të kemi prerë biletën, kthim pas nuk ka!

Misionarë si ne, nuk i ndalon dot asgjë!

Ne kemi të vërtetën, ne kemi idealet, ne kemi dashurinë tonë për këtë vend dhe për këtë tokë.

Ne kemi besnikërinë tonë ndaj miqve tanë. Ne, asgjë nuk mund të na pengojë në këtë rrugë.

Edi Rama e ka shndërruar parlamentin në një turp të historisë tonë kombëtare. Ka shndërruar parlamentin më keq se parlamenti i Putinit dhe Lukashenkos.

Aty ai shfrytëzon çdo mekanizëm për të përjashtuar përfaqësuesit tuaj nga përmbushja e detyrës.

Miqtë e mi!

Dita e hënë është ditë parlamenti. Revolucioni na fton, të gjithë para parlamentit.

Populli i protestës, populli i fitores, të gjithë të bashkohemi të kalojmë nga beteja në betejë deri në fitoren tonë përfundimtare.

Edi Rama ik! Edi Rama largohu! Edi Rama jep dorëheqjen!

Edi Rama, harroje se mund të përjashtosh këtë popull nga vota dhe zgjedhjet.

Jo Surreli, po as Biza dhe Martaneshi nuk i pengon këta që të të gjejnë deri në vrimën e miut dhe të japin atë që meriton.

Së fundmi, edhe njëherë, një mirënjohje të pakufishme për ju në këtë shesh.

Ju ftoj të vazhdojmë ne marshin e lirisë, të vazhdojmë ne marshin e fitores!

Rrofshi ju! Rroftë opozita! Rrofshin shqiptarët dhe Shqipëria! Zoti ju bekoftë ju dhe flamurin e saj!