Shënohet 34 vjetori i grevës minatorëve, Kurti: Për 8 ditë  dridhën themelet e Jugosllavisë!

Në 34- vjetorin e grevës së minatorëve në “Trepçë” si dhe fillimin e javës së minatorëve, Kryeministri i Kosovës, Albin Kurti, tha në Stan Tërg se ata për 8 ditë  në nëntokë dridhën themelet e Jugosllavisë

Fjalën e tij para minatorëve, kryetarit të Komunës Mitrovicë, Bedri Hamza, ministra, deputetë e përfaqësues tjerë të institucioneve, Kryeministri Kurti duke uruar ekipin e basketbollit Trepça si fituese e Kupës së Kosovës.

“Mbrëmë kur jam kthyer në Prishtine e mora lajmin e parë që fitoi Trepça. Ja uroi klubit të basketbollit Trepça  fitoren e kupës. Urime, ishte e jashtëzakonshme kjo fitore për të gjithë. Këto ditë që shënuam pavarësinë ishte kryefjala Republika e Kosovës. Teksa vija këtu u kujtova që me fjalën Kosova Republike mund te kujtohet ky përvjetor. At kohë hynë në greve rreth 1300 punëtorë u  ngujuan për t’i plotësuar disa nga kërkesat ku në thelb po e mbronin Kosovën,” tha Albin Kurti duke i konsideruar minatorët e kësaj greve të lavidshme si ushtarë të parë.

“Ishin jo 1300 punëtor, por 1300 ushtaret e parë!”

Sot kanë kaluar 34 vjet dhe shpejt do të bëhen dy vjet nga marrja e qeverisë, tha Kurti, jemi angazhuar në ndërmarrjen publike dhe për t’i ngritur rezultatet.

“Kemi parë përparime në ndërmarrjen në Trepçë. Janë rritur të hyra dhe janë ulur humbjet. Si Qeveri e kemi përkrahur Trepçën me subvencione dhe kemi ende punë për të dhe punëtorët. Sidomos investime në teknologji do të ndodhin brenda qeverisjes sonë,” tha Kryeministri Albin Kurti.

Ndërkaq, Kryetari i Komunës Mitrovicë, Bedri Hamza, tha se kjo ngjarje për të është emocion i veçant si ish punëtor i këtij kombinati.

“Për mua kjo ngjarje është edhe emocion si ish punëtor i kombinatit Trepça. Minatorët nuk u ndalën me grevën dhe vazhduan edhe më pas pasi disa prej tyre edhe ju bashkuan UÇK-së dhe ne të gjithë duhet të bëjmë maksimumin që Trepça të ketë financim të qëndrueshëm,” tha Bedi Hamza.

Ndërkohë kryesues i Bordit mbikëqyrës të Trepçës, Bahri Hyseni, tha se ngjarjet që pasuan vërtetuan që minatorët kishin të drejtë.

“Gjenerata e minatorëve 89-99  bëri që greva  të mbetet në histori pasi ai moment i parapriu  shumë momenteve tjera. Sigurisht që tashmë kemi shumë sfida po shpresojmë që të kemi mbështetje. Ky vit të jetë vit i stabilizimit dhe gjendjes financiare të ndërmarrjes,” tha Bahri Hyseni

Ministrja e Ekonomisë Artane Rizvanolli, tha me këtë rast se minatori përmendet shume herët në historinë tonë .

“Kujtojmë at ngjarje të madhe dhe sakrificën për lirinë që sot e gëzojmë. Ne jemi krenar me Trepçën dhe zotohemi që do tu përkrahim sidomos në aspektet e zhvillimit të teknologjisë” tha Rizvanolli duke përfunduar:

“Gëzuar ditën e minatorit dhe me fat.”

Ushtruesi i Detyrës së kryefshefit të  Trepçës, Enis Abdurrahmani, tha në këtë përvjetor se para 34 viteve minatorët kishin filluar grevën e urisë për të mbrojtur Kosovën dhe autonominë e saj.

“Kjo sakrifice duhet të na shërbej për bashkim dhe unifikim. Për zhvillimin e ndërmarrjes,” tha Enis Abdurrahmani ndërsa për kryetarin e Sindikatës së Trepçës, Ibrahim Januzi, me 20 shkurt kishte nis greva por në fakt nisi zhbërja e Jugosllavisë.

“Kjo rezistencë beri bujë të madhe ani psë kishte presion, kërcënime dhe dënime ndaj minatorëve. Kërkojmë investime më të madha pasi mosha dhe kushtet janë të vështira. Shpresoj që vitin tjetër të bëhet feste shtetërore.”