Edi Rama nuk ikën me votë, Berisha: Mosbindja civile, element thelbësor i revolucionit paqësor

Duke shprehur mirëkuptim për të gjithë ata që e shohin me skepticizëm revolucionin, Kryetari i Partisë Demokratike, Sali Berisha, u shpreh i bindur para drejtuesve politik të qarqeves e ky regjim nuk ikën ndryshe, nuk ikën me votë.

“Ky regjim nuk ikën ndryshe. Nëse ndonjë mendon se ky ikën me votë, personalisht nuk besoj se ikën me votë. Çdo ditë tregon se ky shtetin mafioz po e shndërron gjithnjë e më shumë në makineri mafioze elektorale,” tha Kryetari i PD duke i bërë thirrje drejtuesve politik të përgatiten ndërsa sqaroi se revolucioni paqësor nuk është vetëm revolucion i protestave paqësore, është revolucion i mosbindjes civile para së gjithash.

“Ne kemi një përqindje shumë të madhe të popullatës që e urren Edi Ramën, kemi një përqindje që na përgjigjet, del në protestë. Por pjesa tjetër kërkon të shohë shembuj të tjerë te ne. Nëse nuk rrëzohej shtatorja e Enver Hoxhës, të harroni se do fitonim zgjedhjet më 22 mars. Pra, duhet të japim mesazhe shumë të qarta anëtarësisë sonë, demokratëve tanë, që sakrificat më të mëdha na presin përpara nëse qëndrojmë të vendosur për të përmbushur misionin tonë.”

Fjala e Kryetarit të PD, Sali Berisha, në mbledhjen me drejtuesut politik të qarqeve

Fushata dhe revolucioni janë dy çështjet më madhore, dhe do jenë çështjet më madhore të PD, deri në zgjidhjen përfundimtare në fitoren e tij të plotë.

Një revolucion i cili normal fare sot për shumë e shumë qytetarë tingëllon një fjalë e largët, ka ata të cilët janë sot 32 vjeçarë nuk kanë përjetuar dhe s’kanë asgjë në memorie për një revolucion paqësor. Të tjerë, me të drejtë e dëgjojnë me skepticizëm këtë fjalë, por e vërteta është se në kushtet e këtij monizmi, i cili ka asgjësuar ligjet, Kushtetutën, shtetin ligjor, pa një elektroshok të fuqishëm të këtij sistemi, pa një përmbysje të tij.

Unë nuk di sesi mund të ketë zgjidhje tjetër. Ndaj edhe ne duhet të bëjmë një punë të jashtëzakonshme për të bindur shqiptarët në këtë tezë. Për të tërhequr shqiptarët në këtë lëvizje. Për ta shndërruar këtë në një çështje të të gjithë shqiptarëve. Mendoj se jemi në fillimet e tij, por fillime shumë të mbara.

Mos harroni një gjë. Nga viti 1991, këto janë protestat e para në historinë e Shqipërisë, në të cilat forcat politike që i organizojnë ato ka vetëm një funksionar në shtet, një kryetar bashkie. Prandaj edhe, kjo është një gjë jashtëzakonisht pozitive. Keto janë fillesat mbi revolucionin.

Edi Rama gjatë viteve në bashki organizoi 753 protesta, në regjistër. Por nuk realizoi asnjë të vetme pasi iku nga bashkia. Pra, ishin protesta të qeveritarëve, të zyrtarëve. Jo të qytetarëve të revoltuar.

Pse u ndala këtu?

U ndala këtu për të theksuar një moment, që fillimi është shumë i mirë. Imagjinoni sakrificën e atyre njerëzve që bëjnë për të mbushur sheshin si kurrë më parë. Por revolucioni paqësor nuk është nuk vetëm revolucioni i protestave paqësore. Është revolucion  i mosbindjes civile mbi të gjitha. Dhe ne duhet të pregatitemi. Mosbindja civile është një element thelbësor i revolucionit paqësor. E ka thënë Mahatma Gandi: është e shenjtë!

Ne kemi një përqindje shumë të madhe të popullatës që e urren Edi Ramën, kemi një përqindje që na përgjigjet, del në protestë. Por pjesa tjetër kërkon të shohë shembuj të tjerë te ne.

Nëse nuk rrëzohej shtatorja e Enver Hoxhës, të harrojë kush se do fitonim zgjedhjet më 22 mars. Shtatorja mund të ishte edhe nja 10 vite tjera aty ku ishte. Pra, duhet të japim mesazhe shumë të qarta anëtarësisë sonë, demokratëve tanë, që sakrificat më të mëdha na presin përpara nëse qëndrojmë të vendosur për të përmbushur misionin tonë. Pa këto akte dhe sakrifica, ky regjim, siç ka vazhduar do vazhdojë.

Tani jemi në një skandal. Sigurisht, është më i madh se ka karakter ndërkombëtar. Po këtu skandale kanë qenë një ligjësi. Të përjavshme.

Ndaj dhe duhet të ndërmarrim një debat intensiv me anëtarësinë tonë, duhet të ndërmarrim një debat intensiv me mbështetësit tanë, duhet të ndërmarrim një debat intensiv me qytetarët.

Duhet krijuar një situatë e përgjithshme proteste, revolte, reagimesh.

Nuk mund të ecet kurrë ‘business as usual’. Regjimi nuk rrëzohet. Është e domosdoshme që kryetarë grupesh të organizojnë mbledhjet në kryesitë e degëve, në aktivët e degëve, në takime intensive të hapura me qytetarët.

Thashë dhe njëherë, unë kam mirëkuptim për të gjithë ata që e shohin me skepticizëm revolucionin, për të gjithë ata të cilët ky term u duket i largët ose joreal. Por kur shoh vendin tim, që rrokulliset dhe shuhet në këtë mënyrë, secili duhet t’i shtrojë pyetjen vetes: si mund ta shpëtojë? Mund ta shpëtojmë vetëm duke u bashkuar, vetëm duke u përballur me këtë regjim. Ky regjim nuk ikën ndryshe.

Nëse ndonjë mendon se ky ikën me votë, personalisht nuk besoj se ikën me votë.

Çdo ditë tregon se ky shtetin mafioz po e shndërron gjithnjë e më shumë në makineri mafioze elektorale.

Njerëzit na mbështesin!

Protesta të tilla nuk ka parë Shqipëria. Janë tjetër protesta kur bëhen me të punësuar, janë të tjera protestat kur qytetarët detyrohen të marrin bukën me vete.

Do të doja që këtë diskutim ta kemi të lirë, ndaj dhe mediat të na falin se ky është një takim pune me të cilin ne duhet të debatojmë lirshëm për të arritur në përfundime sa më të drejta, sa më të sakta.