Pasi u dhuroi gjyqin në Apel, mesazh Celibashit, Rama: Në zgjedhje do hyjnë si Çeço!

Pasi u dhuroi gjyqin në Gjykatën e Apelit, Edi Rama sot kishte dhe një mesazh për kreun e KQZ, Ilirjan Celibashi, të cilit i vajti mendja se përkundër kësaj dhurate të Kryeministrit, mbështetësit e Lulzim Bashës mund të mbeten pa u regjistruar për zgjedhjet e 14 Majit.

“Mua nuk më rezulton se do ketë ndonjë parti që nuk do hyjë në zgjedhje. Të gjithë do hyjnë dhe do hyjnë si Çeço,” tha Kryeministri Edi Rama pas takimit me Kryeministren e Danimarkës, Mette Frederiksen, i qartë se pas likuidimit të PD dhe Sali Berishës për momentin nga skena politike, menaxhimi i të kuqve në këtë parti nuk ishte dhe nuk do të jetë problem.