“Aktivisti”, Berisha thirrje administratës: Mos u bëni pjesë e mega-krimti elektoral!

Pasi Kryeministri Edi Rama me partinë e tij socialiste filloi të bëjë krime elektorale ende pa filluar zyrtarisht fushata elektorale për zgjedhjet lokale të 14 Majit, Kryetari i Partisë Demokratike, Sali Berisha, ka denoncuar aplikacionin “Aktivisti” me të cilin Rama po keqpërdor administratën publike ndonëse është i dënueshëm si me ligjin kombëtar ashtu dhe atë ndërkombëtar.

Ndërkohë Kryetari i Partisë Demokratike kishte dhe një përgjigje për Kryeministrin, sot, kur pas 10 vjet qeverisjeje premton rritje rroge për administratën publike, të cilën e la në mëshirën e inflacionit i cili filloi me rënie të lirë që nga dita e parë e qeverisjes socialiste në vitin 2013

“Jam sot para jush për t’u bërë thirrje të gjithë punonjësve të administratës, të mos bëhen pjesë e mega-krimti elektoral të përdorimit të Aktivistit për qëllime të mbështetjes së pushtetit të krimit.

Aktivisti është një aplikacion i dënueshëm në ligjin kombëtar dhe ndërkombëtar.

Ai është i dënueshëm në ligjin kombëtar, sepse është dëshmi flagrante e shndërrimit të narkoshtetit të Edi Ramës në një narkoshtet elektoral. Pra, shndërrimin në një makineri të dhunimit masiv të votës nëpërmjet ndikimeve të paligjshme.

Ai është në kundërshtim me ligjin ndërkombëtar sepse shkel rregullat themelore të rrjeteve sociale, sepse po përdoret si një mjet terrori mbi qytetarët shqiptarë, mbi zgjedhësit shqiptarë.

Duke denoncuar përpara jush, njoftoj gjithashtu se PD do të ndërmarrë të gjithë hapat ligjore ndaj këtij instrumenti terrori, si brenda vendit, ashtu edhe në institucionet respektove, pranë rrjeteve sociale ku përdoret ky aplikacion antiligjor.

Me këtë rast Kryetari i Partisë Demokratike tha se PD e denoncon të turpshme, antiligjore, antikushtetuese përdorimin e qindra milionë eurove për qëllime elektorale nga Edi Rama ndërsa garantoj qytetarët:

“Jo dyfishimi i rrogave, por trefishimi do jetë objektiv numër një i qeverisjes së PD.

Por rritjet e rrogave, në asnjë vend të lirë, nuk bëhen para zgjedhjeve, para votimit të qytetarëve.

Ai që bën një akt të turpshëm është një kriminel elektoral, një bandit i vërtetë, një mashtrues ordiner.
Pagat e ulëta duhet të dyfishohen dhe ne i garantojmë të gjithë punonjësit që pagat në të gjithë piramidën shtetërore do dyfishohen.

Por këto akte nuk merren kurrë me qëllim për të ndikuar votën e qytetarëve.

Thirrja e tij për rritjen e rrogave të ulëta është një demagogji, pasi ajo nuk bëhet me vullnet, ajo është një thirrje thjesht propagandistike,” tha Kryetari i Partisë Demokratike, Sali Berisha, duke bërë të ditur se PD do depozitojë ligjin për dyfishimin e rrogave të ulëta si akt i parë, Rama po bën një akt kriminal elektoral ndërsa përfundoi:

“PD do depozitojë në parlament ligjin për dyfishimin e rrogave të ulëta si akt i parë.

Ky ligj do jetë i detyrueshëm për çdo institucion të këtij vendi, për çdo sipërmarrje të këtij vendi.

Ne këto veprime nuk i bëjmë për propagandë, ne i bëjmë se kemi bindje se një ndëshkim madhor më kryesor i këtyre 9 viteve ka qenë ngrirja e rrogave dhe pensioneve, de facto ulja e frikshme e tyre për shkak të inflacionit.”