Kryeministri Albin Kurti takim me Përfaqësuesin e Vuçiçit në Tiranë
Kryeministrit të Kosovës ju shtua dhe një Përfaqësues i angazhuar që ti bëjë presion Albin Kurtit për të pranuar kushtet e Serbisë në procesin e miratimit të Aneksit të Marrëveshjes për zbatimin e Propozimit të BE ndonëse Presidenti i Serbisë, Aleksandar Vuçiç, nuk i ka pranuar të gjitha pikat e propozimit evropian, dhe për fat të keq është shqiptar dhe hiq më pak se Kryeministri i Shqipërisë, Edi Rama!
Dhe, pasi krijoi Ballkanin e Hapur me Presidentin e Serbisë duke injoruar Kosovën dhe ekzistimin e saj, Edi Rama po për këtë Presidenti serb, Aleksanar Vuçiç, organizon takim në Tiranë me Albin Kurtin për të zhdukur ato barriera që u shfaqën në Ohër dhe jo vetëm, nga një Kryeministër i pashantazhuar siç ka Kosova.
“Me mikun e posaçëm, kryeministrin e Kosovës, Albin Kurti, gjatë drekës së sotme diskutuam me detaje për marrëveshjen e Ohrit dhe ecurinë e mëtejshme të procesit të zbatimit të saj,” tha Përfaqësuesi i Vuçiçit në Tiranë i cili çuditërisht nuk ka shfaqur ndonjë interes kur Albin Kurti kishte dhe ka probleme reale qeverisëse me miqtë e Ramës në PDK, ndërsa pas organizimit të takimit të sotëm u shprehë:
“I shpreha Albinit të gjithë simpatinë time për kurajon dhe realizmin me të cilin ka hedhur hapa me rëndësi të madhe drejt normalizimit të marrëdhënieve me Serbinë. E inkurajova kryeministrin në hedhjen e hapave të mëtejshëm, qoftë për garantimin e komunave serbe në kornizën e asociacionit që garanton vetëmenaxhimin e komunitetit serb, qoftë për funksionimin me garancitë e nevojshme të Kishës Serbe në vendet e saj të kultit në Kosovë, duke e siguruar se në këtë proces jo të lehtë ai ka mbështetjen time më të plotë,” tha Edi Rama përmes rrjetit social Facebook duke ngatërruar ndërhyrjen në këtë proces me personin e gabuar, Albin Kurtin, sepse ishte “vëllau i tij” Aleksandar Vuçiç ai i cili nuk firmosi Marrëveshjen në Ohër!
Në fund, ndonëse shumë prej marrëveshjeve të firmosura në mes të dy qeverive Kosovë-Shqipëri nuk janë implementuar, Kryeministri Rama paralajmëroi mbledhjen e radhës:
“Ramë dakord që mbledhja e ardhshme e të dy qeverive të mbahet në qershor!”
Ndryshe, pas përfaqësuesve të BE, Frabcës, Gjermanisë dhe Mbretërisë së Bashkuar, për të plotësuar orekset ekspansioniste serbe të Presidentit të Serbisë, Aleksandar Vuçiç, u angazhua dhe Kryeministri i Shqipërisë, Edi Rama, i cili ndryshe nga ndërhyrja e kaluar kur kërkoi shkëmbimin e territorit me shtetin serb, sot kërkon “garantimin e komunave serbe në kornizën e asociacionit që garanton vetëmenaxhimin e komunitetit serb, dhe funksionimin me garancitë e nevojshme të Kishës Serbe në vendet e saj të kultit në Kosovë.”
