Video/ Dy persona i vendosën tritolin, shpërthimi i makinës së kreut të PD
Pas aktit kriminal në Vaun e Dejës, ku kryetarit të PD, Bernard Ndreca, iu vu tritoli në automjet, dalin dhe pamjet nga kamerat e sigurisë ku shihet se çfarë ka ndodhur në orët e para të ditës së sotme para shtëpisë së kreu demokrat deri sa erdhi te shpërthimi.
Pas vendosjes së mjetit shpërthyes nën makinë, nga persona të maskuar, ishte ora 05:36 e mëngjesit të sotëm kur Bernard Ndreca bëhet gati për punë dhe sapo niset me makinë vjen deri te shpërthimi ku për fat shpëtoi si kreu demokrat ashtu dhe mamaja e tij e cila ishte afër makinës.
Ndryshe, ky shpërthim vjen një ditë pasi kandidatët për Këshillin Bashkiak të PD-së së Vulës në Vaun e Dejës kanë dalë në mbështetje të Zef Hilës, si kandidat i Rithemelimit për kryetar të bashkisë në zgjedhjet e 14 majit, duke e cilësuar Klomentina Drinin si kandidaturë personale e nxjerrë në kundërshtim me vullnetin e demokratëve të Vaut të Dejës; Akt i cili u konsiderua rezultat i përpjekjeve të Bernard Ndrecës për të bashkuar Partinë Demokratike të përçarë nga bedelët e Lulzim Bashës!
Dhe, deri sa policia doli në vendin e ngjarjes dhe reagoi për këtë akt kriminal, bedelët që nuk e duan Partinë Demokratike të bashkuar, vazhdojnë dhe heshtin!
Ndryshe, në zgjedhjet për Kryetar të Partisë Demokratike të organizuara nga Rithemelimi, Bernard Ndreca u zgjodh Kryetar i PD Dega Vau i Dejës, duke marrë 531 vota nga 760 anëtarë të Partisë Demokratike sa morë pjesë në votim.
