Raporti paraprak i ODIHR-it, Glover: Votimi në grup dhe blerja e votave, shqetësuese!

Duke prezantuar Raportin paraprak të zgjedhjeve të 14 Majit, kreu i misionit të vëzhguesve të ODIHR-it me përfaqësuesit e KiE dhe PE, Audrey Glover, vlerësoi se KQZ organizoi punën në mënyrë transparente, në përgjithësi zgjedhjet ishin paqësore, por pati ndikim nga partitë dhe votim në grup.

“Do të prezantojmë konkluzionet paraprake, unë jam këtu sëbashku me përfaqësuesit të Këshillit të Evropës, më lejoni të filloj. Zgjedhjet vendore të 14 Majit në përgjithësi u administruan mirë, ishin konkurruese.

Polarizim i procesit midis partive kryesore politike dhe një ndarje e thellë brenda opozitës. Rastet e keqpërdorimit të burimeve publike si dhe pretendimet për blerje votash ishin shqetësuese,” Glover nuk foli për pajisjet që nuk punuan që me fillimin e procesit zgjedhor, as për rrahjen e komisionerit opozitar në pikën e numërit, por theksoi se ka pasur pretendime për blerje votash, të cilat kanë qenë shqetësuese.

“KQZ ishte transparente, por pati zëvendësime të shpeshta të komisionerëve. Përdorimi i shpeshtë i mediave të filmimeve, cenoi kohën e transmetimit gjatë fushatës. Dita e zgjedhjeve ishte përgjtihësisht paqësore, por pati ndërhyrje partiake, votim në grup. Së pari dua të them disa fjalë për misionin tonë.

Janë zgjedhjet e 16-ta që ODIHR vëzhgon, 14 ekspertë nga 12 shtete, që nga krijimi ne kemi pasur sektorin tonë të monitorimit të medias, partitë, ambasadat dhe OJQ-të. Një javë pas mbërritjes na u bashkuan 24 vëzhgues afatgjatë, pak para zgjedhjeve na u bashkuan dhe disa vëzhgues afatshkurtër.”

Ndryshe, ODIHR pritet të përgatisë një Raport përfundimtar i cili do të publikohet në javët në vijim.