Tensionet në Veri, Kurti: Objektet e komunës janë pronë e Republikës

Pas tensionimit të situatës në 3 komunat në veri të Kosovës, ku kundër veprimeve të Qeverisë Kurti doli SHBA dhe BE, ka reaguar dhe vetë Kryeministrit të Kosovës, Albin Kurti pas takimit që zhvilloi me komandantin e KFOR-it, Gjeneral Major Ristuccia.

“Kryetarët e komunave, të zgjedhur nga zgjedhjet e lira dhe demokratike, duhet t’i ushtrojnë detyrat dhe përgjegjësitë e tyre, për të ofruar shërbime publike cilësore për të gjithë qytetarët, pa pengesa,” është shprehur Albin Kurti, thekson Qeveria e Kosovës përmes një njoftimi duke shtuar:

“Gjithashtu, kryeministri Kurti e njoftoi komandantin Ristuccia se Policia e Kosovës është angazhuar që sipas detyrës zyrtare t’ua mundësojë këtyre kryetarëve hyrjen në vendin e tyre të punës prej nga ata duhet dhe do t’ju shërbejnë të gjithë qytetarëve pa dallim e pa diskriminim,” thuhet mes tjerash në njoftimin e Qeverisë duke përfunduar:

“Kryeministri theksoi se objektet e komunës janë pronë e Republikës.”