VIDEO/Arrestohen grabitësit e karburantit, policia publikon pamjet …

Policia e Shtetit ka njoftuar sot se autorët e grabitjes së karburantit në Kurbin ishin tre ish-të dënuar më parë; dy prej tyre u arrestuan në kuadrin e operacioni Skuraj dhe i treti është shpallur në kërkim.

Policia e Lezhës ka shfaqur filmimet e kamerave të sigurisë, të momentit të vjedhjes së karburantit.

Ngjarja ka ndodhur më datë 28.07.2017, rreth orës 3:00, në Skuraj të rrethit Kurbin. Të armatosur dhe të maskuar, 3 persona kanë vjedhur pikën e një karburanti. Ata kanë marrë 110.000 lekë të reja. Por edhe më datë 28.02.2018, rreth orës 00:20, kanë tentuar të vjedhin po më armë pikën e një karburanti në aksin rrugor Milot – Thumanë. Si autorë të dyshuar të këtyre rasteve, janë identifikuar shtetasit:

Flakon Tafa, 24 vjeç, banues në Kurbin, i dënuar më parë dhe Fatjon Tafa , 27 vjeç, banues në Kurbin, i dënuar më parë, të cilët janë arrestuar në flagrancë si dhe është shpallur në kërkim dhe punohet për kapjen e shtetasit F.K.30 vjeç, banues në Kurbin, i dënuar më parë. Për të tre shtetasit e lartpërmendur, Gjykata e Rrethit Gjyqësor Kurbin ka caktuar me vendimin datë 12.07.2018, masën e sigurisë ” Arrest me burg” për veprat penale ” Vjedhje me armë’ e kryer në bashkëpunim” parashikuar nga neni 140-25 të Kodit Penal.