Sanksionet ndaj Kosovës, Berisha: Akt i pajustifikuar me urdhër nga Beogradi!

By Pa frike Last updated Qer 14, 2023 323

Partia Demokratike i konsideron sanksionet ndaj Kosovës si një akt të pajustifikuar me ligjin ndërkombëtar dhe moralin e vendeve të lira, tha Kryetari i PD, Sali Berisha, duke përgëzuar refuzimin nga autoritetet e Kosovës për të diskutuar me Edi Ramën projektin që ai ka marrë nga sirtaret e Vuçiçit për t’ju paraqitur si projekt të tijin njëlloj siç bëhej me hartat e ndarjes së Kosovës, midis Serbisë dhe Shqipërisë që prodhoheshin në Beograd dhe servireshin “Made in Albania”.

“Mbrëmë në darkë Edi Rama anuloi me urdhër nga Beogradi pjesëmarrjen në mbledhjen që ishte parashikuar të mbahej sot me qeverinë e Kosovës në Gjakovë me kuadër të 145 vjetorit të Lidhjes së Prizrenit.

Si shkak për anulimin e zhvillimit të këtij takimi bilateral të parashikuar dhe paraljmëruar prej kohësh, Rama paraqiti refuzimin e autoriteteve të Kosovës për t’i diskutuar veçmas në një format të propozuar prej tij për draftin e Ramës për Asosacionin e komunave me shumicë serbe në Kosovë të marrë nga sirtaret e Beogradit,” tha Sali Berisha apra Grupit Parlamentar duke shtuar se autoritetet e Koksovës refuzuan ndërhyrjen brutale të Edi Ramës në punët e tyre të brendshme për një problem me zgjidhjen e të cilit po merren fuqitë më të mëdha të kohës dhe për të cilin Shqipëria, dhe asnjë vend tjetër i rajonit nuk ka asnjë tagër që të ndërhyjë.

“Lidhur me këto zhvillime Partia Demokratike e Shqipërisë dënon me forcën më të madhe ndërhyrjen brutale të Edi Ramës në punët e brendshme të Kosovës dhe aktin e tij hakmarrës dhe sherrmbjellës midis dy vendeve fqinjë të një kombi në një klimë tashmë të acaruar,” shprehet Kryetari i Partisë Demokratike, duke i bërë thirrje autoriteteve të Kosovës:

“Të bashkëpunojnë dhe bashkërendojnë përpjekjet e tyre me KFOR, EULEX, BE dhe SHBA për shtensionimin e situatës dhe rikthimin në tryezën e dialogut në funksion të zbatimit të marrëveshjes së Ohrit. PD çmon se ky është interesi më i mirë i qytetarëve të Kosovës paqes dhe stabilitetit në rajon. Kjo është rruga më e mirë për dështimin e projektit ogurzi Vuçiç-Rama për ndarjen e Kosovës,” thekson Kryetari i Partisë Demokratike, Sali Berisha duke përfunduar:

Në këtë kuptim, PD është kundër forme Asociacioni superkushtetues, pasi e konsideron atë rrezik madhor atë për paqen në Ballkan dhe fitilin e fuçisë së barutit në këtë gadishull.”

Fjala e plotë:

Zonja dhe zotërinj deputetë, mbrëmë në darkë Edi Rama anuloi me urdhër nga Beogradi pjesëmarrjen në mbledhjen që ishte parashikuar të mbahej sot me qeverinë e Kosovës në Gjakovë me kuadër të 145 vjetorit të Lidhjes së Prizrenit.

Me një fjalë, autoritetet e Koksovës refuzuan ndërhyrjen brutale të Edi Ramës në punët e tyre të brendshme për një problem me zgjidhjen e të cilit po merren fuqitë më të mëdha të kohës dhe për të cilin Shqipëria, dhe asnjë vend tjetër i rajonit nuk ka asnjë tagër që të ndërhyjë.

Lidhur me këto zhvillime Partia Demokratike e Shqipërisë dënon me forcën më të madhe ndërhyrjen brutale të Edi Ramës në punët e brendshme të Kosovës dhe aktin e tij hakmarrës dhe sherrmbjellës midis dy vendeve fqinjë të një kombi në një klimë tashmë të acaruar.

Së dyti, Partia Demokratike përgëzon refuzimin nga autoritetet e Kosovës për të diskutuar me Edi Ramën projektin që ai ka marrë nga sirtaret e Vuçiçit për t’ju paraqitur si projekt të tijin njëlloj siç bëhej me hartat e ndarjes së Kosovës, midis Serbisë dhe Shqipërisë që prodhoheshin në Beograd dhe servireshin ‘Made in Albania’.

Partia Demokratike përgëzon refuzimin e diskutimit të projektit dhe pranimin e rolit ndërmjetës të vetshpallur të Edi Ramës, jo vetëm se projekti i tij është marrë nga sirtaret e Beogradit, por sepse Edi Rama pas ardhjes së tij në pushtet është dëshmuar haptas një argat i zellshëm i Aleksandër Vuçiç. Ai ka promovuar si të vetat të gjitha projektet e serbomadhisë, të Aleksandër Vuçiç, duke filluar me projektin e ndryshimit të kufijve dhe në të vërtetë të ndarjes së Kosovës midis Serbisë dhe Shqipërisë, dhe vazhduan me projektin e Ballkanit të Hapur që themeluan si alenacë trilaterale Tiranë-Beograd-Shkup në samitin e Novisadit, në hartën e të cilit fshin si rastësisht Republikën e Kosovës dhe e paraqitën atë si pjesë të Serbisë dhe duke vazhduar së fundmi me projektin e Asociacionit, me të cilin Aleksandër Vuçiç dhe Rama kërkojnë përsëri shpërbërjen dhe ndarjen e Kosovës.

Historia ka provuar se historia e Vuçiçit me argatin e tij, Rama për të mbrojtur serbomadhinë dhe ndarë Kosovën ka dështuar dhe do të dështojë, por kjo e ka bërë këto vite procesin e negociatave si vegun e Penelopës.

PD shton gjithashtu se Edi Rama, që nga fillimi i agresionit barbar rus ndaj Ukrainës, dhe deri sot në kundërshtim flagrant me interesin e kombit shqiptar dhe mbarë komunitetit euroatlantik, ka mbrojtur haptas në çdo smait ndërkombëtar qendrimin e Vuçiçit kundër sanksioneve të NATO-s dhe BE-së ndaj Rusisë. Ai madje në dhjetëra raste ka kritikuar haptas kërkesën e NATO-s dhe BE-së drejtuar Beogradit për respektimin e sanksioneve dhe është bërë mbrojtës i shndërrimit të Serbisë në një Rusi të Vogël, prapavijë e Rusisë së Madhe agresore.

Me angazhimin e ethshëm të fundit të Edi Ramës, me projekt konkret dhe sherrndjellës për Asociacionin të komunave me shumicë serbe në Kosovë, me sulmet e tij të përditshme, të pandërprera ndaj homologut të tij në Kosovë, ka diçka tjetër të tmerrshme personale të Edi Ramës.

Kryeministri i Shqipërisë, që vetëshpallet përfaqësuesi i komunitetit euroatlantik është nën hetim penal të hapur në Uashington për superskandalin e tij me Charles McGonigal. Ai është në hetim të hapur, sepse në një akt disluajalitetit të plotë, sikur të të ishte kryeministri i një vendi jo mik, ai i ka korruptuar aleatit kryesor, vendit udhëheqës të komunitetit euroatlantik të SHBA-ve, ish-shefin e shërbimit të FBI për Nju Jorkun, McGonigal, ndërkohë që ai ishte në detyrë dhe sipas dokumenteve zyrtare e ka angazhuar atë në hetime private për shkatërrimin e opozitës shqiptare. Kohët e fundit, prokurori SHBA-ve ka kërkuar bashkimin e dosjes shqiptare të McGonigal-Rama e cila gjykohej në gjykatën e Uashingtonit me dosjen e lidhjeve ruse, e cila gjykohej në gjykatën e Nju Jorkut. Duket se aferat janë të lidhura njëra me tjetrën.

Për të lehtësuar sadopak pozicionin e tij të pashpresë, dhe ndihmuar lobimin e fuqishëm në SHBA për shpëtimin e tij, Edi Rama vazhdon të paraqesë projekte të pakërkuara për problemin më delikat të rajonit dhe vendos sanksione ndaj Kosovës dhe autoriteteve të saj.

PD e Shqipërisë ka bërë dhe iu bën thirrje autoriteteve të Kosovës të bashkëpunojnë dhe bashkërendojnë përpjekjet e tyre me KFOR, EULEX, BE dhe SHBA për shtensionimin e situatës dhe rikthimin në tryezën e dialogut në funksion të zbatimit të marrëveshjes së Ohrit. PD çmon se ky është interesi më i mirë i qytetarëve të Kosovës paqes dhe stabilitetit në rajon. Kjo është rruga më e mirë për dështimin e projektit ogurzi Vuçiç-Rama për ndarjen e Kosovës.

PD ka mbështetur dhe mbështet plotësisht respketimin dhe lirive dhe të drejtave të minoritetit serb dhe minoriteteve të tjera në Kosovë. Ne kemi mbështetur dhe mbështesim krijimin e Asociacionit të komunave me shumicë serbe në Kosovë në kuadrin e Kushtetutës së këtij vendi si një e drejtë kuhstetuese e pamohueshme e banorëve të këtyre komunave për të mbrojtur gjuhën, kulturën, besimin fetar të etnisë serbe në Kosovë.

PD gjithashtu thekson se në të vërtetë serbomadhi, Aleksandër Vuçiç kërkon një Asosacion mbi baza etnonacionaliste dhe kompetenca superkushtetuese, si një projekt të Serbisë së Madhe, si një shtrirje të shtetit nacionalist serb dhe për përdorimin dhe manipulimin e komunitetit serb në këtë vend kundër Kosovës dhe për nxitjen e një zinxhiri të tërë konfliktesh ndërentike në rajon sipas parimit famëzi: aty ku janë serbë është Serbi.

Në këtë kuptim, PD është kundër forme Asociacioni superkushtetues, pasi e konsideron atë rrezik madhor atë për paqen në Ballkan dhe fitilin e fuçisë së barutit në këtë gadishull.

Së fundmi, PD i konsideron sanksionet ndaj Kosovës, një demokraci e re dhe e suksesshme, popullit të së cilit nuk i janë mbyllur akoma plagët e barbarive serbe, si një akt të pajustifikuar me ligjin ndërkombëtar dhe moralin e vendeve të lira. Kosova në rrafshin e vlerave dhe pozicionit të saj është një bastion i komunitetit euroatlantik në rajon. Ato sanksione do ishin një shpërblim i pamerituar për autokratët Rama-Vuçiç, që përpiqen të paraqiten si partnerë të besueshëm, por në të vërtetë synojnë ndarjen e Kosovës dhe janë të lidhur kokë e këmbë me njëmijë fije me botën e krimit, drogës dhe vjedhjes së kombeve të tyre.

Zgjatja e negociatave dhe mossuksesi i derisotëm kanë si shkak themelor vendosmërinë e Beogradit për të mbrojtur me çdo kusht strukturat e shtetit serb në Kosovë dhe vetkuptohet, kundërshtimin e kësaj përpjekjeje nga autoritetet e Kosovës.

Së fundmi, askush nuk duhet të harrojë se në 100 vitet e fundit, kombi shqiptar ka përjetuar ndëshkimet dhe padrejtësitë më të mëdha në Europë. Shqiptarët nuk kanë nevojë dhe meritojnë ndëshkime të tjera. Nuk janë ata shkaku i krizës, por është nacionalizmi i verbër serb që lufton për hegjemoninë serbe në Ballkan dhe e ka zhytur në emër të kësaj hegjemonie disa herë, e kërkon ta zhysë përsëri Ballkanin në konflikte të reja.

Frenimi i ambicjeve të verbëra të nacionalizmit serb është biznes i papërfunduar, por është kusht për të arkivuar hegjemoninë serbe dhe krijuar Ballkanin e shteteve sovrane të barabarta të paqes së qendrueshme dhe stabilitetit rajonal. Faleminderit!

Zonja deputete, zotërinj deputetë!

Të dy këta autokratë, Vuçiçi fliste dje për luftë, ky vendoste sanksione ndaj Kosovës, ndaj dhe bëjnë gjithçka për mbijetesën e tyre, sepse atij Beogradi i është derdhur në rrugë në mënyrë të vazhdueshme kundër autokracisë dhe lidhjeve të tij me banda si Bjellivuku, kurse ky tjetri ka Bjellivukët e tij, ka lidhjet e tij të cilat po dalin gjithnjë e më shumë në dritë, por ka mbi të gjitha aferën McGonigal, për të cilën ky ka vetëm një alternativë, të shkojë të japë llogari me përgjegjësi përpara drejtësisë amerikane për aktin e tmerrshëm që ka kryer.

Përveç kësaj, bashkimi i dy dosjeve është një ogur edhe më i zi. Mos harroni se Oleg Deripaska, një nga shtyllat kryesore të zbulimit të Kremlinit jashtë Rusisë, ka pasur në Shqipëri 6 sipërmarrje dhe është paguar deri në fund të vitit 2022. Prandaj ky agjitim i pakontrolluar i tij, kjo paraqitje e tija e përditshme, i nxirë sterr i zi, i shfazuar plotësisht, janë dëshmi e halleve që ka krijuar ky person vetes së tij me qëllimet e padenja, disluajale, të turpshme dhe uroj që sa më shpejt të marrë ndëshkimin që meriton.

Tani kemi problemet në Parlament, dhe aktivitetet.

Një nga çështjet shumë të rëndësishme që do sjell sot në vëmendjen tuaj është gjykimi në Gjykatën Kushtetuese i njërës prej aferave më të mëdha korruptive, që është afera e Butrintit.

Prandaj, zotërinj deputetë jeni të lutur të ndiqni çdo seancë, sepse kemi të bëjmë me një aferë të tmerrshme me të cilën shkatërrohet në mënyrë përfundimtare Parku Kombëtar i Butrintit. Në të cilën mafia shqiptare merr për oreksin e saj të tmerrshëm dhe lukuninë e saj mbi 800 hektarë në Kepin e Stillës dhe qyteza tjera, i shkëput nga qyteza dhe me qytezën ndodh ajo çka ndodh. E tëra sipas një projekti të paramenduar në këtë mënyrë dhe për fatin më të keq i implikuar këtu fund e krye është Fondacioni Shqiptaro-Amerikan.

Unë dua t’ju informoj ju zotërinj deputetë, se jam njeri që kam bashkëpunuar gjatë me këtë fondacion dhe me respketin më të madh. Gjatë periudhës së qeverisjes sonë, ka ndodhur një moment që kemi zgjeruar rrugën e Butrintit se ishte e ngushtë, dhe nuk përballonte flukisn turistik, kërcënoheshin për aksidente. Dy burra të shquar, fisnikë, Lordi Rothchild dhe Lordi Spencer, që kanë meritë në themelimin e fondacionit të Butrintit, që dhanë kontribut për mua shumë të çmuar në promovimin, konceptimin e Parkut të Butrintit. Ky bashkëpunim është vendosur në vitin 1992-1993 me ta, dhe ata insistuan të zemëruar, kërkuan shpjegime se përse u zgjerua rruga, sepse u prek parku aq sa prek zgjerimi i rrugës. Kishte edhe një diskotekë, apo se çfarë kishte. Pema e Thatë, mos gabohem dhe ata kërkonin me çdo kusht largimin e saj. Ata ishin mbrojtësit më të vendosur të tërësisë së Parkut të Butrintit.

Zonja Zhupa, Aleanca për Mbrojtjen e Parkut të Butrintit, kanë merita të veçanta, kanë zbërthyer çdo element të këtij procesi. A e dini çfarë ka ndodh? Qyteza është shkëputur nga pjesa tjetër e parkut. Parku është kombëtar, ka qytezën, por ka Kepin e Stillës me biodiversitetin më të pasur në Europë. Ka zonën e Manastirit. Ai park, në tërësinë e vet është pasuri botërore në UNESCO dhe është në të gjithë territorin, jo vetëm qyteza. Është pasuri përrallore e shqiptarëve. Nëse ne mendojmë të mos shkatërrojmë çdo gjë vetë, por t’iu lëmë atyre që vijnë nesër dhe pasnesër brez pas brezi, nuk ka gjë më mahnitëse që u lëmë brezave se Parkun e Butrintit, dhe ata duan të shkatërrojnë.

Janë me dhjetëra mafiozë në pushtet që kanë përcaktuar ku do ndërtojnë vilat. E konsideroj jashtëzakonisht të rëndësishme këtë mbrojtje. Ne do e vazhdojmë deri në fund betejën. Unë kam pasur marrëdhënie shumë të mira me presidentin e fonacionit, Granoff, por mbeta i zhgënjyer kur e dëgjova atë të thotë në valët e Zërit të Amerikës, se çfarë bën qeveria me pjesën e shkëputur, nuk më intereson. Sa qemë ne në pushtet, ishte punë e përbashkët gjithë mbrojtja e Butrintit. U gjet një mekanizëm për të thënë që nuk është puna ime, por ajo është pasuri e shqiptarëve, i them z.Granoff. Me gjithë respektin që akam për të, por këtë nuk mund ta pranoj kurrë. Do mbrojmë interesat e vendit tonë, dhe Parku i Butrintit, njësoj si Porti i Durrësit janë vlera të përjetshme të kombit shqiptar.

Ndaj dhe mundësisht, me Inën dhe me të tjerë ta ndiqni këtë seancë në Gjykatë Kushtetuese. Ne natyrisht do bëjmë çdo përpjekje me institucionet ndërkombëtare, dhe të mbrojmë interesat.

Një rend i ditës këtu, e kanë hequr nga rendi i ditës, raportin e Inspektoriatit të Lartë të deklarimit të pasurive. Nuk merret vesh se pse e kanë hequr.

Raporti vjetor i DAP-it, e kthyer ky në një institucion militantizmi dhe shkatërrimi përfundimtar të administratës publike. Prandaj, ju lutem të pregatiteni për një diskutim të gjithëanshëm, sepse nën drejtimin e Albana Kociut, ky shërbim ka marrë fund, nuk ekziston.

Mjafton t’ju kujtoj unë ju që në zgjedhjet e fundit në mijëra raste, jo qindra, në mijëra raste, në shkeljen më flagrante të ligjit organik elektoral që Rama e quajti kinezëri, punonjësit e administratës, punonjësit e shërbimit civil u shndërruan në një polici politike terrorizuese për qytetarët, nga ata të cilët kërcënonin: se do të të bëj copa-copa, po nuk votove për ne qytetarin. Tek të tjerë që uleshin në kundërshtim flagrant me ligjin, si policë bashkiakë, si punonjës të bashkive, etj., në funksionin e komisionerit, të numëruesit, të hajdutit, e kështu me radhë.

Faktikisht, nesër duhet bërë radiografia e plotë e kësaj administrate dhe këtij shërbimi para qytetarëve shqiptarë. Rast shumë i mirë, prandaj të pregatitemi të diskutojmë gjerësisht. Nesër vjen para jush Denar Biba. E dini çfarë është ky? Ky është një njeri që e vunë në krye të prokurimeve. Ky vendin e ka absolutisht vetëm në burg për vjedhjet dhe punën e tij. Dhe tani u dërgua, sepse shpërblente Ramën dhe nuk kishte çfarë t’i bënte. E dërgoi te konkurrenca për të shuar çdo shpresë në këtë autoritet. E ka asgjësuar këtë autoritet.

Edhe këtu, nuk duhet të kursejmë një marrëveshje ndërmjet Republikës së Shqipërisë dhe KFR-së. Për subvencionet e peshkimit, i mbështesim ne ato, se është normale.

Tani del problemi tjetër.

Gjykata Kushtetuese për herë të parë në historinë e ekzistencës së saj, mbyll dyert kur shqyrton dokumentet për një çështje. Po cila është çështja thoni ju?

Çështja është Porti i Durrësit, që përbën aktin më të madh korruptiv sot në Europë, çështje e cila është sanksionuar në rezolutat e Komisionit të Jashtëm të Parlamentit Europian në amendamente të veçanta. Nuk e di, a u votua në seancë plenare ajo rezolutë? Rezoluta që u bë për raporti ne Komisionit Europian për Shqipërinë për vitin 2022?

Ato janë miratuar dhe ne kemi vlerësuar shumë grupin e deputetëve që i ka paraqitur ato amendamente, të cilët konstatojnë se akti është në kundërshtim të hapur me Marrëveshjen e Stabilizim-Asociimit, marrëveshja e vetme bazë kontraktuale e Shqipërisë me BE, e detyrueshme për t’u respektuar nen për nen. Konstatohet nga parlamentarët europianë se janë shkelur të gjitha parimet e prokurimeve, e konkurrencës së lirë dhe janë shtuar dyshime të tjera.

Ka pasur një përpjekje, do të thosha të turpshme të Edi Ramës, dhe jo vetëm atij, që të përfshijnë edhe NATO-n në këtë aferë, duke i kërkuar NATO-s që ajo të angazhohet për portin e ri në Porto Romano, në një kohë kur Porti i Durrësit prej dhjetëra vitesh është edhe port ushtarak.

Komanda e NATO-s ka bërë të qartë se, nuk plotësohen kushtet për angazhimin e saj. Ka kuptuar pra, se bëhet fjalë për një vepër mafioze të Edi Ramës, dhe ka refuzuar të bëhet pjesëmarrëse në këtë akt.

Prandaj, dhe ne do ta ndjekim në Gjykatë Kushtetuese, në Strasburg, kudo dhe paralajmëroj qytetarët e Durrësit dhe të gjithë Shqipërisë të mos vendosin lekë aty, pasi kemi të bëjmë me një skemë piramidale. Ortaku i Ramës është në hetim të rënda gjyqsore në Indi për këto punë, prandaj t’i ruajnë kursimet e tyre, të mos i shpenzojnë lekë në projekte fantazmë që kanë synim vetëm shndërrimin e Edi Ramës në një miliarder, siç është miku i tij, Alabbar.

Këto kisha unë. Falënderoj mediat.