“Edi Rama mbështet Serbinë”/ Tiranë, shqiptarët protestojnë në mbështetje të Kosovës

Nën moton “Dje, Sot, Nesër, Përjetë Bashkë!”, qindëra kanë protestuar para Kryeministrisë në Tiranë duke u solidarizuar me qytetarët e Kosovës që nuk po gëzojnë mbështetjen e Qeverisë së Shqipërisë ndërsa i janë nënshtruar dhunës serbe dhe tensioneve në veri të Kosovës.

Qytetarët të cilët u mblodhën në protestë vetëm pas një thirrje përmes rrjetet sociale, duke kërkuar më shumë mbështetje për Kosovën nga Qeveria e Shqipërisë, së cilës i bënë të qartë me një parullë qendrore “Duam bashkimin e kombit”!

Në kulmin e presionit ndërkombëtar ndaj Qeverisë së Kosovës për themelimin e Asociacionit të komunave me shumicë serbe depërshkallëzimin e situatës ndërsa serbët vazhduan me protesta të dhunshme, Kryeministri Edi Rama duke kërkuar nga Kosova që të pranojë propozimet e ndërkombëtarëve bëri të ditur se i ka dërguar një propozim për Asociacionin Francës dhe Gjermanisë por që nuk e kishte parë të arsyeshme të këshillohet ose ta informoj Kyeministrin Albin Kurti.

Ndryshe, në Kosovë situata vijon të jetë e tensionuar edhe pas “ndërhyrjes” së Edi Ramës, brenda territorit kosovarë janë rrëmbyer tre policë të Kosovës që sot dolën para një gjykate serbe që i caktoi masën e paraburgimit prej 30 ditëve ndërsa po sot, në Leposaviç u sulmuan gazetarët shqiptarë që po raportonin për zhvillimin e ngjarjeve në këtë komunë me shumicë serbe.