Në panik për marrëdhëniet me Serbinë, Edi Rama: Albin dil nga guacka e vetizolimit, mos e humb Veriun!

Në panik për marrëdhëniet me Serbinë për shkak të situatës së krijuar me rrëmbimin e tre policëve kosovarë, Kryeministri Edi Rama i bënë të qartë Kryeministrit Albin Kurti se ne nuk shtensionon situatën atëherë le ti thotë lamtumirë për kushedi sa kohë edhe kontrollit formal të shtetit mbi krejt territorin dhe ta gëzojmë një Republikë të KFOR-it në Veriun e Kosovës!

“Sa më shumë mbahen në Serbi këta tre burra që edhe sikur ta kenë shkelur vijën e kufirit s’kanë kryer asnjë krim, aq më pak do jetë e mundur që marrëdhëniet tona bilaterale të mos bëjnë shumë hapa mbrapa! Kjo do jetë java e rikthimit të akullit mes nesh nëse ata nuk lirohen!” shprehet Edi Rama në reagimin e tij përmes rrjetit social Twitter duke shtuar:

“Nga ana tjetër nëse de-eskalimi nuk ndodh e humbura e madhe do të jetë Kosova – sepse Serbia mbase nuk jeton dot pa u ri-izoluar! Druaj shumë se sa më shumë Albini këmbëngul në të tijën kundër aleatëve, aq më shumë situata mund të agravohet, duke rikthyer KFORin në krye të punës!”

Në fund, Kryeministri Edi Rama i rikthehet fjalorit me të cilin komunikon me Albin Kurtin që nga momenti kur ai e kundërshtoi Ballkanin e Hapur:

“E atëherë lamtumirë për kushedi sa kohë edhe kontrollit formal të shtetit mbi krejt territorin dhe ta gëzojmë një Republikë të KFOR-it në Veriun e Kosovës! Albin dil nga guacka e vetizolimit dhe mos e humb Veriun duke parë kudo armiq e tradhëtarë! Koha është tani dhe po fluturon!”