VIDEO/ Masat e sigurisë, policia shpërndan fletëpalosje për turistët dhe bizneset…

Në kuadër të masave për sezonin turistik, Policia e Shtetit prej dy ditësh ka nisur shpërndarjen e fletëpalosjeve në të gjitha Pikat e Kalimit Kufitar, plazhe e biznese me këshilla për pushuesit e huaj në anglisht dhe italisht, për pushuesit nga Kosova, për shqiptarët që kthehen për të pushuar në Shqipëri dhe për pushuesit në bregdet.

Policia bëri të ditur se fletë palosje po shpërndahen edhe për biznesin duke u kërkuar të përmbushin detyrimet, por edhe duke u ofruar ndihmën dhe gadishmërinë e policisë për çdo emergjencë dhe problematikë.

Policia e Shtetit nuk është mjaftuar vetëm me masa sensibilizuese për rritjen e sigurisë së pushuesëve, por ka marrë një sërë masash.

Për sezonin e verës janë angazhuar:

1,100 forca policore që janë për Qarkullimin, FNSH, forca shtesë të rendit.
170 mjete (automjete, motorrë dhe biçikleta)

Janë hapur 5 stacione provizore, 3 në bregdet dhe 2 në zona malore (këtë vit risi është hapja e stacionit në Tale, Lezhë)

Për patrullimin detar janë 7 mjete lundruese

Për çdo problem apo emergjencë kontaktoni në numrin pa pagesë 112!