Skandal/ Drejtori i Ramës refuzon të japë informacion mbi pronësinë te Teatri Kombëtar…

Kreu i hipotekës, Valdin Pjetri, ka refuzuar sot të informojë Kuvendin për pronësinë në zonën e Teatrit dhe rreth tij.

Ai nuk i dha përgjigje kryetares së Komisionit parlamentar të Medias, Albana Vokshi, se në cilin nen të ligjit bazohet refuzimi për të mos dhënë informacion.

Për të fshehur sesa pronë private ka Fusha shpk tek zona e Teatrit, krye regjistruesi keqinterpreton kushtetutën dhe ligjin e mbrojtjes së të dhënave personale.

Vokshi tha se Parlamenti është institucion i ngarkuar me Kushtetutë për të marrë informacion!

Demokratët kanë kërkuar të dijnë sa pronarë private ka në zonën e Teatrit dhe sa sipërfaqe ka secili prej tyre. Sipas demokratëve, dhënia e këtij informacioni nuk shkel asnjë ligj.

Debati

Vokshi: Jani në shkelje të ligjit. Më thoni sa metra ka bashkia Tiranë

Pjetri: Duhet bërë mbledhja e informacionit, duhet bërë mbledhja e truallit shtet.

Vokshi: Jo shtet, por bashkisë

Pjetri: Nuk ka një VKM për regjistrim, prandaj rezulton shtet. Prandaj ju them shikoni dokumentin që u kam sjell.

Vokshi: Kur nuk e dini më mirë heshtni. Pyetja është e thjeshte: Sa metra ka Bashkia?

Pjetri: Nga një mbledhje e përafërt që bëmë tani janë mbi 200 metra.

Beqaj: Ja ku është bashkia, ta shikojnë kamerat.

Vokshi: Nuk po të pyes ty, kur të bëhesh kryeregjistrues atëherë fol.

Vokshi: Sa metra katror ka Fusha?

Pjetri: Për privatin nuk e keni kërkuar.

Vokshi: Mos u bëni vegël, e di që të kanë urdhëruar

Beqaj: Mos i bëj presion