Tensionet vazhdojnë/ Celibashi largohet nga foltorja pa lexuar Raportin, Nikolla ka zgjidhje

Tensionet në Parlamentin e Shqipërisë kanë vazhduar edhe kur në foltori doli kreu i KQZ-së, Ilirian Celibashi, për të prezantuar Raportin për zgjedhjet! Deputetët e opozitës vazhduan të kundërshtojnë vijimin normal të seancës plenare pa diskutuar për çështjen e arrestimit të Ish-Zv/Kryeministrit Arben Ahmetaj.

Ndërprerja e seancës ndodhi për tre herë por nuk shërbeu në qetësimin e situatës, Kryetarja e Parlamentit, Lindita Nikolla vendosi që Ilirian Celibashi mos ta prezantojë raportin e KQZ-së meqë deputetët e kishin një kopje të tij.

“Deputetët e kanë raportin, ndaj vijojmë me diskutimet,” tha Lindita Nikolla, Celibashi u largua nga Parlamenti ndërsa Gazment Bardhi sërish nga foltorja kërkoi që të futet në rendin e ditës çështja “Arben Ahmetaj” ndërsa që të gjithë deputetët e opozitës që morën fjalën kërkuan praninë e Kryeministrit Edi Rama për të sqaruar situatën me inceneratorët dhe arrestimin e Arben Ahmetajt.