Dash Shehi: Rama qindfishoi vjedhjet, bëjmë të gjithë si Shekspirë dhe Hamletë…

Dashamir Shehi, deputet i opozitës, është treguar i ashpër në fjalën e tij, gjatë mbledhjes së Komisionit Parlamentar të Ekonomisë, ndërsa i ka drejtuar një apel deputetëve socialistë që të reflektojnë dhe të tërhiqen nga nisma për Teatrin Kombëtar.

Shehi tha se nuk ka më budallenj brenda dhe jashtë sale që nuk e kanë kuptuar se Kryeministri Edi rama ka 20 vjet që ia ka vënë syrin tokës te Teatri. Madje Shehi duke folur për konçensionet tha se kot jemi qarë dhe jemi ankuar për rrugën e Kombit, pasi këto që po ndodhin nën qeverisjen e Ramës e kanë futur Shqipërinë në borxhe që do të zgjasin me dhjetra vite.

“Do ti kisha mbyllur të gjitha koncensionet. Këto koncensione e kanë futur Shqipërinë në borxhe për 10 vite. Kot jemi ankuar për Rrugën e Kombit, shikoni shifrat për rrugët që po ndërtohen, për stadiumin dhe teatrin, ilaçet dhe spitalet.

Nuk ka asnjë garë të hapur. Në sebep të atyre të mëparshme janë 100 fishuar vjedhje. Bëjmë të gjithë si Shekspirë e Hamletë.

S’ka asnjë budalla në këtë sallë dhe jashtë saj që nuk nënkupton që Rama ka 20 vjet që ia ka vënë syrin asaj cope tokë. Shikoni shëmtinë e stadiumit, është një markatë që ka edhe një fushë futbolli. Kjo është vjedhje e pastër. Ju po e votoni, i jepni konjukturë, u quani moderne.

Ky vend s’ka para për ujësjellesa dhe rubineta, kërkon para nga ndërkombetaret, por për pallate 200 milionë eurosh i kemi paratë. Hajde ta heqim këtë ligjin…”, tha ndër të tjera Shehi.