Rënia e euros, fituesit dhe humbësit

nga Prof.Dr.Sali Berisha*

Jemi sot këtu për një problem shumë tronditës i cili shoqërohet me një goditje shumë të rëndë të prodhimit, për aq sa eksportet janë motorr i fuqishëm i tij, shoqërohet me një goditje shumë të rëndë të punësimit, për aq sa sektori i eksporteve është një sektor madhor punësimi në këtë vend, shoqërohet me një disbalancë, me një thellim të mëtejshëm të disbalancës tregtare, dhe lëkundje në themel të ekonomisë shqiptare.

Janë debate të shumta, dhe normale mbi këtë situatë të zhvlerësimit të pamëshirë të monedhës europiane dhe të forcimit jashtë çdolloj logjike të lekut shqiptar. Nuk ka diskutim se leku është një simbol kombëtar, dhe si i tillë forcimi i tij çështje krenarie, por në këtë rast është një rast çështje turpi të madh kombëtar.

Ata të cilët përfitojnë nga ky raport i krijuar euro-lekë, lekë-euro janë narkoqeveritarët dhe narkotrafikantët. Nga ky raport goditet në masë qindra dhe mijëra familje shqiptare që mbyllin ditën dhe muajin me të ardhurat e njerzve të tyre me sipërmarrje që eksportojnë. Nga ky raport goditet mbi 30% e popullatës shqiptare, e cila përballon ditën me remitencat dhe rregullat që i dërgohen nga njerëzit e vet në emigracion, dhe nja 40% të tjera që marrin herë pas here dhe i kanë pjesë të lllogaritur të buxhetit.

Nga ky raport ata që përfitojnë janë përbindëshit e trafiqeve të drogës, të cilët fusin në Shqipëri euro me kontejnerë, me kamionë, me mikrobuza, i groposin, i marrin të groposura dhe i nxjerrin për ndërtime, i nxjerrin për të blerë me çmime stratosferike dhe bëjnë që ajo rritje ekonomike, jo të mos shoqërohet me një përmirësim të gjendjes ekonomike të familjes shqiptare, të familjeve të thjeshta, me një varfërim më të madh progresiv, dhe ajo rritje të shkojë e tëra te oligarkët dhe klanet e drogës.

Situata është dramatike.

Qeveria me të gjitha veprimet e saj financiare ka favorizuar pikërisht këtë fenomen, me kredi që shkon e merr në euro, me mbajtjen e investimeve.

Pra, është krijuar një raport shkatërrues për ekonominë, dëshmi më flagrante cilësore e narkoshtetit.

Kjo që ne shohim sot, kjo është shfaqja më e sigurtë e narkoshtetit të parë dhe të vetëm në Europë që është narkoshteti shqiptar. Gjithçka është në funksion të këtyre klaneve kriminale. Nga dera e asaj ndërtese që është përtej rruge, dalin dhe hyjnë përfaqësuesit e kartelit më të rrezikshëm në botë të drogës, Sinaloas të Meksikës.

Nga interceptimet, dhe janë, ju them unë ju, as maja e ajsbergut, ku miku strategjik i Edi Ramës drejtonte vrasje dhe trafiqe, dhe drekonte e darkonte me kryeministrin, sikur të ishte më shumë se çdo ministër i tij me të, tregon se cila është fuqia e jashtëzakonshme e klaneve të drogës në këtë vend. Ata janë vendimarrësit absolutë.

Shqipëria sot renditet e para në Europë, e para me distancë  në treguesin e ndërtimit. 3 milionë metër katrorë ndërtohen vetëm në Tiranë, në një kohë kur nevoja vjetore e vendit është 1 milionë metër katrorë. Nuk ka lavatriçe më gjigante të parave të krimit se sa Tirana sot. Çmimet këtu janë të tretat më të shtrenjta në Europë. I ndërton droga, i blen droga, i shet droga, dhe në këto operacione klanet përsëri i përdorin këto para për të pushtuar territore. Kanabisin e kanë të dytë, kokainën e kanë të parë dhe opiumin.

Banka e Shqipërisë, unë e kuptoj, nuk ka fuqi t’i rezistojë narkoeuros, kjo është narkoeuro. Ajo është një ‘xhuxh’ para këtij gjiganti kriminal që është ky i karteleve, por të paktën Banka e Shqipërisë, urdhëro e bëri provën, i nxori 20 milionë, asgjë nuk ndryshoi. Ishte si kafeja e mëngjesit. Por Banka e Shqipërisë duhet të jetë zëri më i fuqishëm në denoncimin e tyre, se këtu po ndodh një katastrofë e vërtetë.

Këta janë bërë vendimarrës me kryeministrin, njeriu më i lidhur publikisht me klanet e drogës, që dihet dhe me dokumente, mori tani Ministrinë e Rendit, dhe imagjinoni ju, a ishte e qëllimshme, apo e paqëllimshme? Kjo ishte plotësisht e qëllimshme.

Janë ato klane që e emëruan atë Ministër Rendi. Nuk ka asnjë, ka disa faktorë që kanë ndërhyrë në këtë raport, por faktori përcaktues është faktori NARKOEURO.

Janë narkoeurot që kanë pushtuar. Prandaj thotë ai, kemi parë aq sa nuk e dimë. Ai e ka fjalë për kontejnerët e eurot, të garantoj unë ty, se ai e di që i ka me kontejnerë. Se një shtet e di sa para ka. Një shtet që ka libra dhe regjistra, e llogarit, ka dhe të fjeturën që e ka të vështirë, por Shqipëria e ka me tonelata, me kontejnerë, prandaj e di ai se i thonë ata, miqtë e tij.

Bëra këtë hyrje që nuk është kaq ekonomike, e kuptoj, por e vërteta është që në qoftë se nuk shkoj tek rrënjët e problemit, ne rrokullisja më e madhe na pret.

Ua them edhe njëherë, nuk jam aspak dakord me disa qendrime të bankës, por mos të mendojmë se banka mund të përballet me këtë përbindësh që është narkoeuro. Ajo e shuan bankën, dhe ajo kërcënon pastaj çdo gjë tjetër.

Të gjitha kursimet e qytetarëve në euro janë zhvlerësuar në mënyrë dramatike. Pra, ata që me të drejtë, jo me të padrejtë i depozitonin në euro kursimet e tyre, tani i kanë 10% më pak.

Sigurisht, kjo goditje e eksportit është nga ky raport është shumë problematik, por eksporti duhet të jemi realistë, u godit në mënyrë të pamëshirë nga Ballkani i Hapur. Vet politikat fiskale të kësaj qeverie ndaj fermerëve.

Nuk është e rastit, ato që janë shtrenjtuar më shumë në këtë kohë janë zarvatet. Ato që janë shtrenjtuar më shumë në këtë kohë janë produktet ushqimore, po sa? Me 10%, me 20%.

Imagjinoni ju për qytetarët të cilët mbi 50% të të ardhurave i shpenzojnë për ushqimet e ditës, se çfarë peshe ka kjo.

Ndaj edhe të gjitha këto janë një apel që t’u shkojmë në rrënjë probleme, dhe rrënjët janë kur të çrrenjosim këtë klan mafioz trafikantësh në pushtet, i cili e përdor pushtetin vetëm e vetëm për të mbrojtur interesat e klaneve të drogës dhe krimit në Shqipëri.

*Fjala e Kryetarit të PD në Konferencën “Rënia e euros, fituesit dhe humbësit”