Berliner Zeitung: Serbia duhet të thyhet! Reagon e shqetësuar Ambasada serbe në Berlin

Ambasada e Serbisë në Berlin ka reaguar “e frikësuar dhe e shqetësuar” ndaj shkrimit me titull “Dominimi i Serbisë duhet të thyhet” i cili u publikua në gazetën gjermane “Berliner Zeitung“.

Pas tekstit të Muamer Beçiroviçit i cili u publikua më 13 gusht në “Berliner Zeitung”, gazeta publikon reagimin e ministrit këshilltar në Ambasadën e Serbisë në Berlin, Sasha Diniç, tek i cili, siç thotë diplomati serb, ka shkaktuar, frikë dhe shqetësim.

“Me gjithë respektin për lirinë e shtypit dhe shprehjes, në veçanti për gazetën liberale siç është ’Berliner Zeitung’, duhet ta pranoj se deklaratat dhe kërkesat në këtë artikull, që i referohen strategjisë së vjetër mbi 100 vjet dhe e cila shkaktoj shkatërrimin e parë të Evropës në shekullin e kaluar, me miliona viktima, tek unë shkaktuan frikë dhe shqetësim.”

Muamer Beçiroviç, studiues i historisë diplomatike, si dhe politikës ndërkombëtare, në tekstin e tij, në fakt shkruan se “strategjia ballkanik e habsburgëve” nga viti 1910 nënkupton:

“Që Beogradi të barazohej, Sarajeva duhet të lidhet më shumë me Zagrebin austriak. Këto dy vende duhet ti japin fund së bashku idetë hegjemoniste serbe dhe të forcojnë hegjemoninë austriake në rajon.”

Sipas Beçiroviçit, “strategjia gjermane për Ballkanin duhet të bazohet në këtë histori, sepse situata strategjike në Ballkan gati nuk ka ndryshuar për shumë se njëqind vjet.”

Përfaqësuesi i Ambasadës Serbisë, Sasha Diniç nga ana e tij vlerëson se “krijimi i kundërpeshës kroato-boshnjake për një barazpeshë të përhershme të Serbisë në Ballkan, siç propozon autori, do të paraqiste një kërcënim të pastër për rajonin dhe stabilitetin e tij, dhe do ta gjykonte në shkatërrim çdo përpjekje që rajoni të lidhej ekonomikisht. Ky lloj grupimi ’njëri kundër tjetrit’ është i rrezikshëm. Na duhet bashkëpunimi ’njëri me tjetrin’,“ thekson Diniç duke shtuar:

“Propozimet e autorit gjithashtu janë në kundërshtim me qëllimet dhe prioritetet e ’Procesit të Berlinit’ i cili është inicuar në Gjermani.”

Diniç: “Gjermania mund të bëjë më shumë për Ballkanin Perëndimor“

Beçiroviç në tekstin e tij thekson edhe se “i vetmi shtet i cili mund të vendos rendin në Ballkan dhe të garantoj përherë inetersat e saj strategjike në rajon është Gjermania. Ajo është një partner tregtar i Kroacisë, Bosnjes dhe Serbisë, e gjeografikisht është larg vetëm disa kilometra.” Teza e tij se “duhet fuqi, fuqi gjermane, që të vendoset rendi në Ballkan. Të gjitha të tjerat janë të gjykuara që si në aspektin afatshkurtër, afattmesëm ose dhe afatgjatë, të dështojnë.”

Diniç me këtë rast përgjigjet:

“Me një rast autori ka të drejtë: Gjermania mundet të bëjë më shumë për Ballkanin Perëndimor. Gjithashtu besojmë se Gjermania mund të marr rol më të rëndësishëm në rajon, duke nxitur atje bashkëpunimin ekonomik, me një perspektivë të qartë të mbështes integrimin evropian, dhe përveç kësaj, marrëdhëniet në rajon dhe angazhimin e vetë ta nxis dhe zbatoj në përputhje me Kartën e OKB dhe të drejtën ndërkombëtare.”

“Stabiliteti dhe bashkëpunimi në rajonin e Ballkanit Perëndimor,” përfundon Diniç, “për Serbinë janë të rëndësishme sikur se stabiliteti dhe bashkëpunimi në Evropë për Gjermaninë. Serbia është dhe do të mbetet partner i besueshëm i Gjermanisë. Me këtë partneritet mund të arrij më shumë se sa me sanksione, ushtri, trazira dhe destabilitet.”/DW/