Sot Bardhi thirri mbledhjen e Grupit Parlamentar të PD, Zotni Lafsha e unifikoi!
Në cilësinë e Kryetarit të Grupit Parlamentar të PD, në nisje të sesionit parlamentar, Gazment Bardhi thirri për ditën e martë, datë 5 Shtator 2023, një mbledhje të përbashkët të të gjithë deputetëve të koalicionit “PD-AN”, duke besuar se shqetësimi për nevojën urgjente të unifikimit të opozitës bashkëndahet nga çdo deputet që ndien përgjegjësinë për një përballje të unifikuar kundër Edi Ramës, me qëllimin e mirë të përcaktimit të agjendës dhe strategjisë së përbashkët të të gjithë PD dhe të gjithë opozitës parlamentare.
Por çuditërisht, njeriu pa parti, që Edi Rama e ka pagëzuar kryetar, Zotni Lafsha, të cilit ia dha truri të mbledhë 4.000 vetë në Pallatin “Asllan Rusi” për tu shpallur edhe Kryetar i Grupit Parlamentar, unifikoi gjithë bllokun opozitar të cilin e drejtonte para dy viteve, edhe pa i mbledhë fare ish-krahu i tij i djathtë, Gazment Bardhi!
Nuk dihet se pse Kryetarja e Parlamentit, Lindita Nikolla, e lexoi njoftimin të cilin asqerët e 30 mijë lekshit të Kunatit e shpallën Lulzim Bashën, Kryetar të Grupit Parlamentar të PD, kur sipas Rregullores siç e ka thënë ajo vetë kohë më parë duhet ta bëjë Grupi Parlamentar, disa e ndërlidhën me magjepsjen politike që surratenveri, por meqë sot ai është vetëm një Zotni Lafshë, vetëm një mendje prishur si ajo e Edi Ramës mund të degdis lafshën në seancë plenare dhe jo në kulmin e shtëpisë, siç është zakoni.
“Njoftimin e kanë marrë të gjithë, 59 deputetë. Demokratët janë çarë në tre fraksione në Parlament. Njëri është grupi i Berishës, tjetri grupi i Bashës dhe një tjetër grup është ai i Bardhit.
Cilido deputet që e ndjen veten opozitar, le të vijë në takim. Roli im është të unifikoj të gjithë deputetët në një qëndrim,” u shpreh Gazment Bardhi.
Pas seancës së djeshme parlamentare, veprimet e Zotni Lafshës shtuan pa dyshim radhët e deputetëve që do të marrin pjesë në mbledhjen e Grupit Parlamentar të PD, do të marr pjesë edhe Kryetari i PD, Sali Berisha, por, a mjafton kjo?!
Natyrisht, se, jo!
Partia Demokratike duhet të rigrupoj radhët e anëtarësisë së saj jo duke u marrë me Zotni Lafshën, pse ai mbledhë njerëz duke i paguar me 30 mijë lekë, kjo nuk ishte shpikje e Kunatit, por, e atij që e mësoi të shes dhe blejë votën, Ilir Metës, ndërkohë ai i ka lënë një sekret jashtë recetës politike të cilin Kunati isi tregtar që është nuk e kuptoi, trajtimin e Edi Ramës!
Sekret, i cili në vitin 2017 e shndërroi Lulzim Bashën, nga lider i sapokrijuar i opozitës në një lafshë që nuk i hynë në punë as Lindita Nikolla, pavarësisht emërimit publik që ajo i bënë!
