Kryengritja e Postribës, Bardh Spahia: Një moment përkujtimi, nderimi, dhe frymëzim pas 77-vitesh
Në në ceremoninë e 77-vjetorit të Kryengritjes së parë antikomuniste në Shqipëri dhe Evropë, Ish-Kryetari i Bashkisë Shkodër, Bardh Spahia, tha se është një nderim që i bëjmë jo vetëm aktit heroik dhe gjakut të derdhur nga bijtë e kësaj zone, por edhe një kontribut për brezat e rinj.
“Ceremonia që na bën bashkë çdo vit në Postribë për të përkujtuar kryengritjen e parë antikomuniste në Evropë, është një nderim që i bëjmë jo vetëm aktit heroik dhe gjakut të derdhur nga bijtë e kësaj zone, por edhe një kontribut për brezat e rinj,” thekson Bardh Spahia duke folur për një moment përkujtimi e nderimi, por edhe frymëzim pas 77-vitesh nga 9 Shtatori i 1946-ës!
“Historia nuk duhet harruar dhe e kemi detyrë t’ju a përcjellim brezave. Bijtë heronj të Postribës, Shkodrës e Malsisë u ngritën në emër të asaj që e kemi dëshmuar në çdo kohë se e kemi të shenjtë, Lirinë!
Shembulli i tyre është frymëzues edhe për ne sot, kur gjendemi në udhëkryqe të rrezikshme dhe përballë një tjetër regjimi që kanë ngritur bijtë e atyre që lanë me gjak këtë tokë,” tha Ish-Kryetari i Bashkisë Shkodër, Bardh Spahia, në fjalën e tij duke përfunduar:
“Mos t’i lejojmë të na marrin sërish lirinë, por të përballemi me forcë me të keqen, pasi vetëm kështu bëhemi mburojë e vlerave demokratike. Lavdi përjetë heronjve të Postribës!
Ndryshe, Kryengritja e Postribës e shtatorit të vitit 1946 nuk i’a arriti qëllimit dhe u shtyp me dhunë nga diktarura e sapovendosur në Shqipëri. Megjithatë, ajo mbetet një simbol i qëndresës nacionaliste kundër komunizmit. Ndaj, në 62 vjetorin e përkujtimit të kësaj kryengritje, Postriba u nderua nga Presidenti i Republikës me urdhërin “Nderi i Kombit”.
