McGonigal ka pranuar fajësinë, Berisha: Kjo do të thotë, Edi Rama është fajtor!

Kryetari i Partisë Demokratike, Sali Berisha duke bërë të ditur sit se ish-zyrtari i lartë i FBI-së, Charles McGonigal e ka pranuar fajësinë për dosjen shqiptare tha se kjo do të thotë që Edi Rama është fajtor, njëri ka dhënë ryshfet, tjetri ka marrë ryshfet.

“Lajm është sot, McGonigal ka pranuar fajësinë për dosjen shqiptare.

Çfarë do të thotë kjo?

Kjo do të thotë se Edi Rama është fajtor. Se e kanë të ndarë përgjysëm, njëri ka dhënë ryshfet, tjetri ka marrë ryshfet.

Njëri ka kërkuar licencës, tjetri ka hequr licencë.

Njëri ka kërkuar shërbime kundër opozitës, tjetri ka manipuluar dosjen.

Pra, faktet janë përvëluese për Edi Ramën dhe në mos gabohem, sot në ora tetë të darkës me orën tonë dhe orën 2 me orën e Washingtonit, McGonigal dorëzohet.

Së bashku me të, edhe Edi Rama.

Ky është zhvillimi dhe kjo është një histori, e cila ka një aspekt tmerrësisht poshtërues për Shqipërinë,” tha Sali Berisha në konferencën e përjavshme duke shtuar:

“Aspekti poshtërues për Shqipërinë është se edhe pse Edi Rama, Dorian Duçka, Agron Neza janë nën hetim, Gjiknuri, kryetari i Bashkisë së Tropojës, Rexh Byberi, këta janë të gjithë në hetim dhe në Shqipëri nuk guxohet me hapë një hetim.

A nuk është ky mohim total i shtetit? Në cilin vend të botës ndodhin këto?

Unë u them vetëm kaq, licenca e hequr një kompania mikse, austriake, ruse, do i kushtojë Shqipërisë deri në 300 milionë euro gjobë.

Dhe kujt iu dha? Një kompanie të miërëfilltë të Gazpromit, që thuhet se është Deripaska pas saj.”

Në fund, për të gjitha këto, Kryetari i Partisë Demokratike, Sali Berisha, tha se prokuroria shqiptare nuk guxon të nisë qoftë edhe një hetim ndërsa përfundoi:

“Dhe kërkesën për këtë e ka refuzuar. Ne përsëri do e dërgojmë.

Ne kërkuam krijimin e komisionit hetimor parlamentar. Ne do e dërgojmë në SPAK çështjen.

Por, çdo gjë që ka lidhje me Edi Ramën, bllokohet dhe hidhet poshtë.”