Terroristët serbë ikën, Vuçiç shpall ditë zie, Edi Rama hesht!
“Për 1 orë e 25 minuta i mblodhën 460 policë të njësisë speciale, t’ju shpjegoj kjo do të thotë se gjithçka ishte përgatitur… Kurrë nuk do t’ju pranojmë Kosovën e pavarur, mund të na vrisni të gjithëve, mund të na bëni gjithçka!”
Nuk janë këto fjalët e kriminelit Slobodan Milosheviç më 11 Qershor 1999 ndërsa po shikonte nga dritarja se si po afrohen forcat aleate në Beograd, siç duhej të ishte epilogu i asaj lufte të përgjakshme, por fjalët e dishepullit po aq kriminal i cili nisi drejt Kosovës një formacion të armatosur me informacionin se shteti kosovar ka polici, por, jo dhe të aftë që të reagoi para se njësiti special serb të kryej masakrën e radhës.
Pa i nxjerrë nga goja këto fjalë të pakuptimta Presidenti i Serbisë, pa e nisë mirëfilli aksionin njësitet e Policisë së Kosovës, Kryeministri Edi Rama nxitoi për të gjetur zgjidhjen me një Konferencë Ndërkombëtare!
Po ky Edi Rama që heshti kur fillimkorrikun e këtij viti, Kryetarja e Komisionit të Punëve të Jashtme pranë Parlamentit të Mbretërisë së Bashkuar, deputetja britanike, Alicia Kearns, ngriti alarmin se armët që po kontrabandohen nga Serbia në Kosovë përmes autoambulancave, po shkarkohen në kishat ortodokse.
Regjimenti ushtarak britanik i kthyer nga misioni i KFOR-it, tha ajo, kishte qenë në dijeni se kishte armë të kontrabanduara nga Serbia në kishat ortodokse serbe me autoambulanca, por janë penguar për t’i konfiskuar këto armë.
“Qeveria është e vetëdijshme, me Fusilierët [regjiment ushtarak britanik] që sapo janë kthyer nga shërbimi në KFOR, se ka armë që kontrabandohen përtej kufirit nga Serbia në kishat ortodokse me autoambulanca. Kur trupat tona vihen në dijeni për këtë dhe përpiqen të marrin leje për të shkuar dhe për t’i marrë ato, lejet zgjasin shumë. Deri në momentin që ka leje ‘të papritura’ një ambulancë thuajse ka shkuar në kishë dhe ka shkarkuar përsëri të gjitha armët,” tha Alicia Kearns, e lideri global që krekoset në maje të Këshillit të Sigurimit për Ukrainën edhe pse nuk ka të drejtën e vetos, heshti për Kosovën dhe nuk kërkoi të konfirmohen në NATO të dhënat e regjimentit britanik, aky ku është me të drejta të barabarta dhe ka edhe të drejtën vetos.
Dhe, mesditën e së dielës, kur me armët nga Manastiri i Banjskës, njërën nga kishat që kishte rrëfyer regjimenti britanik, u konfirmua se ishte vra nga serbët polici i Kosovës, Afrim Bunjaku, Edi Rama flet, jo për të kontribuar për paqen por për qetësinë e mikut të tij kriminel, Aleksandar Vuçiç!
Por, vetë Aleksandar Vuçiç kishte humbur nga faqja e dheut, dhe pandehur del një deklaratë e Dioqezës së Rashkës dhe Prizrenit e cila thotë se në Manastirin e Banjskës ka dhjetëra persona të armatosur, dhe priftërinjtë nuk e kanë të qartë se nga vinë!
Deri sa nuk doli Kryeministri Albin Kurti me Zv/Drejtorin e Policisë për të rrëfyer për situatën, publikoi pamjet me dron nga Manastiri i Basnjskës dhe nuk sqaroi se për gjithçka ishte informuar KFOR-i, askush nuk e kuptoi se kur na u bë kaq paqësore Kisha Ortodokse e Serbisë, fajtore dhe nxitëse ekskluzive e krimeve serbe në Kroaci, Bosnje Hercegovinë, Kosovë dhe së fund Mal të Zi!
Si duket, për politikë, edhe Prishtina Zyrtare e vlerësoi këtë distancim të Dioqezës së Rashkës së Prizrenit, por banorët shqiptarë të veriut dhe ata që janë dëbuar nga ajo pjesë e Kosovës ishin të habitur se si nuk dëgjohen sirenat e alarmit në veri, kur ato aktivizohen edhe kur një serb shahet nga një shqiptar ndërkohë që Policia e Kosovës po raportonte për terrorisitët e vrarë serb!
Heshtja nga zyra e Edi Ramës vazhdoi ndërsa njohësit e propoagandës së këtij filoersbi të sëmurë e arsyetonin me heshtjet e batonëve dhe buzhalëve, që janë dhe zëri dhe mendja e tij kosovare!
Ndërkohë që me Prishtinën zyrtare dhe Albin Kurtin filloi të solidoarizohet dhe opozita që ishte shumë armiqësore deri në orët e para të ditës së diel kur pa humbjen e një polici trim të Kosovës, dhe Qeveria e Kosovës filloi të kuroj imazhin e saj antiperëndimorë që e kishin ngjizur mediat e Prishtinës në shërbim të Beogradit ndërsa filluan dhe solidarizimet e para të sinqerta të Ambasadave kryesore në Kosovë.
Askush nuk e mbështeste krimin serb dhe kërkonin që keqbërsit të përgjigjen para drejtësisë!
Aleksandar Vuçiç bashkëjetonte me heshtjen por jo dhe ish-bashkëpartiakja e tij sot kundërshtare për kokë, kosovarja Rada Trajkoviç. Ndër të tjera, ajo dha një dëshmi shokuese:
“Aleksandar Vuçiç ka negociuar me ndërkombëtarët dhe personat e armatosur nga Manastiri Banjska janë larguar!”
Shok për të gjithë, si për ata që besonin te Presidenti i Serbisë se do ta çliroj Kosovën ndërkohë paska pranuar humbjen, si te Edi Rama që kërkonte një Konferencë Ndërkombëtare, ashtu dhe ata që kishin besim te Policia e Kosovës dhe kapja e terroristëve serbë.
Heshtja e Edi Ramës vazhdoi dhe erdhi momenti që në orët e mbrëmjes, 18 orë pas aktit terrorist serb, të shfaqet miku i tij prej gjaku dhe marrëzive, Aleksandar Vuçiç, për ti thënë opinionit se “e dënon vrasjen e policit shqiptar, por, Albin Kurti ka faj”!
Dhe jo vetëm kaq! Ishte i dëshpruar me Perëndimin ndërsa kujtoi marsin e vitit 1998 kur “ishin nisur të vrasin Adem Jasharin, se kishin porosi nga të huajt që të kenë kujdes me civilët, dhe sot Albin Kurtit i kishin thënë që të vrasin të gjithë!”
Nuk foli për negociatat për lirimin e kriminelëve, as për armatimin në Manastirin e Banjskës, as për organizimin e personave të armatosur por u mjaftua të thotë se “nuk ka lidhje me ta, por janë persona të zemëruar me pushtetin e Albin Kurtit!”
Por, këto fjalë ishin të kota, nuk i besoj njeri si në Beograd ashtu dhe Prishtinë, sepse kishte shumë të panjohura që nga fillimkorriku i këtij vitit, kur deputetja Alicia Kearns paralajmëroi se Aleksandar Vuçiç po përgatitet për luftë!
Nëse kësaj i shtojmë dhe faktin që të gjitha masakrat në Ish-Jugosllavi që u kryen nga regjimi serb janë të ngjashme si dy pika uji, e ku bënte pjesë dhe ky në Manastirin e Banjskës i cili ishte menduar të realizohet me provokimin e Policisë së Kosovës, që Presidenti i Serbisë e kishte përçmuar, dhe me zhvillimin në një zonë ku duhej të ishte KFOR-i, pa harruar dhe detajin kryesor se e gjitha ishte ideuar në një ditë fundjave ku reagimi i NATO-s ishte i pamundur për shkak të burokracive – siç ndodhi në Srebrenicë – sot lirshëm mund të thuhet se plangprishësi i gjithë këtij skenari kriminal ishte profesionalizmi i Policisë së Kosovës dhe gatishmëria e Qeverisë me në krye Albin Kurtin që iu përgjigj me kohë mbrojtjes së sovranitetit dhe integritetit territorial!
Ndryshe, mund të kishim vrasje të civilëve përreth Manastirit të Banjskës e pse jo dhe një masakrim të pelegrinëve që ishin në manastir, veprime këto që shteti serb nuk i bënë rrallë, aq më shumë kur tashmë i duhet shpërthimi i një konflikti dhe organizimi i një Konference Ndërkombëtare për zgjidhjen e çështjes së Kosovës, sot, kur nuk ka më se çfarë ti gënjej serbët lokal, SHBA dhe BE-në!
Kur gjithçka përfundoi ashtu siç nuk e kishte menduar Aleksandar Vuçiç, filloi Plani B me batonët, buzhalët dhe fevzot në veprim, për ti bindur shqiptarët se Presidenti i Serbisë nuk ka lidhje me këto veprime por janë serbët lokal që janë të pakënaqur me Vuçiçin!
Për të degjeneruar suksesin e Albin Kurtit dhe armatimin e kapur serb që u ekspozua nga ministria e Brendshme, u shfaq dhe një video ku shiheshin terroristët serb duke u larguar nga Manastiri i Banjskës ndërsa e ndërlidhën me deklaratën e Radica Trajkoviçit!
Edhe pse Edi Rama zgjodhi heshtjen, lëmshi terrorist serbë filloi të zbuloi shumë detaje nga aksioni në Manastirin e Banjskës, mëngjesi i sotëm e gjeti të papërgatitur Ramën pasi Presidenti i Serbisë, Aleksandar Vuçiç, për personat e vrarë me të cilët nuk kishte lidhje, shpalli 27 shtatorin ditë zie në Serbi!
Nëse deri sot Edi Rama heshti për shkak të miqësisë me Aleksandar Vuçiçin, jo si shqiptar që e don Kosovën sepse këtë nuk e ka dëshmuar deri më sot, por, si Kryeministër i një shteti anëtar të NATO-s ai e ka për detyrë të kërkoi nga selia e Aleancës Veriatlantike informacion se kush janë personat nga KFOR-i për të cilët fliste Kryetarja e Komisionit të Punëve të Jashtme pranë Parlamentit të Mbretërisë së Bashkuar, deputetja britanike, Alicia Kearns, që nuk lejuan konfiskimin e armëve në Kishat Ortodokse, kush nga KFOR-i e informoi Dioqezën e Rashkës dhe Prizrenit për pamjet që kishte realizuar Qeveria e Kosovës me dron në Manastirin e Banjskës, dhe, kush nga KFOR-i ka negociuar me Vuçiçin për ti larguar terroristët serbë nga manastiri; Ata terroristë që shqiptarët i panë duke u larguar nga pamjet që u servirën mbrëmë nga Agjencia e lajmeve Associated Press!
Në fund, sot, Albin Kurti me Qeverinë e tij duhet ta kenë të qartë se rreziku më i madh për Kosovën dhe jo vetëm është kur nuk dëgjohen sirenat e alarmit në veri, dhe, kur hesht Edi Rama!
