Pas shkrimit për rolin e Kishës Serbe në sulmin terrorist, kërcënohet “Danas”: Pas djegies, as kujtimi s’do ngelet!
Pas shkrimit mbi rolin e Kishës Ortodokse në sulmin terrorist në Kosovës, të cilin PaFrikë e ka publikuar të plotë, në redaksinë e të përditshmes serbe “Danas” kanë vërshuar kërcënimet.
Redaksia thekson se ky shkrim është komentuar nga një numër i madh njerëzish, shumica prej tyre ishin me mesazhe shumë ofenduese për gazetarët dhe redaksinë e “Danas”, por shqetësues është njeri prej tyre i cili bën thirrje që t’i vihet zjarri redaksisë së kësaj gazete.
“Pas djegies as kujtimi nuk do të mbetet për ta!” – shkruan njëri prej komentuesve të këtij shkrimi në rrjetin social Facebook
Redaksia e “Danas” thotë se kërcënimet janë denoncuar në Prokurori!
Ndryshe, kjo nuk është hera e parë që redaksia e gazetës “Danas” merr kërcënime, e nëntorin e vitit kaluar në e-mailin zyrtar të Kryeredaktorit Dragolub Petroviç erdhi një kërcënim për gazetarët. redaktorët dhe opinionistët e “Danas” me “breshëri plumbash” shoqëruar me mesazhin se do të përfundojnë si Charlie Hebdo.
Kjo është pra Serbia e Hillit dhe Escobarit, kur dhe një gazetë e vetme merr guximin për të raportuar për të vërtetën e Aleksandar Vuçiçit, ajo kërcënohet me shkrumb e hi!
A do ti vendos Borrell dhe Lajçak masa këtij shteti kriminal, as kjo nuk ka më rëndësi, tashmë Serbia ka realizuar sulmin terrorist që Kryeministri Albin Kurti e paralajmëroi, dhe Kosova u ndëshkua pse nuk heshti, por tregoi se kush është rreziku!
Sot masa për Serbinë do të thotë barazimi i krimit me viktimën, pra, Kosovën!
