Sulmi terrorist serb, sot kontrolle policore në tre komuna në veri
Pas sulmit terrorist serb në Banjskë dhe me urdhër të gjykatës, sot Policia e Kosovës po kryen kontrolle në pesë lokacione në tre komunat në veri me prezencën e Prokurorit Special.
“Sot, me datën 29.09.2023 Policia e Kosovës është duke zbatuar urdhëresën e gjykatës kompetente për kontrolle, në pesë lokacione në tri komunat në veri të Kosovës. Këto operacione janë duke u zhvilluar lidhur me ngjarjet e fundit të ndodhura në fshatin Banjskë,” bënë të ditur Policia e Kosovës duke shtuar se këto kontrolle janë duke u zbatuar në koordinim me EULEX-in dhe KFOR-in ndërsa përfundon.
“Operacioni policor është duke vazhduar nga njësitet relevante të Policisë së Kosovës, me prezencën në vend ngjarje të Prokurorit (të PSRK-së). Me këtë rast Policia e Kosovës njofton qytetarët se nuk kanë nevojë për ndonjë shqetësim. Këto urdhër kontrolle, janë duke u zbatuar në koordinim me EULEX dhe KFOR.”
Ndërkohë televizioni serb Nova raporton se aktualisht Policia e Kosovës po kontrollon shtëpinë ku ka jetuar krimineli serb Milan Radoiçiç në veri, ku ndodhet dhe restorani Grey.
Ndryshe, mëngjesin e së dielës terroristët serbë bllokuan rrugën që të çon Banjskë ndërsa me ndërhyrjen e Policisë së Kosovës, lanë të vdekur policin Afrim Bunjaku dhe plagosën kolegun e tij.
Reagimi i Policisë së Kosovës ishte i menjëhershëm ku rezultoi se terroristët kishin fshehur armatimin në Manastirin e Banjskës ndërsa u larguan drejt Serbisë kur i gjithë aksioni i tyre u dekonspirua. Bilanci i këtij aksioni të Policisë së Kosovës me tre terroristë të vrarë dhe 8 të arrestuar, pas reagimit të Presidentit të Serbisë, Aleksandar Vuçiç, qartësoi çdo dyshim se prapa këtij aksioni terrorist qëndron shteti serb, i cili shpalli edhe ditë zie për terroristët e vrarë.
Dhe, për herë të parë, që nga fillimi i dialogut Kosovë-Serbi me në krye Albin Kurtin, BE dhe SHBA nuk mbështetën Beogradin zyrtar me në krye kriminelin Aleksandar Vuçiç, por dënuan aktin terrorist të cilin shumë kohë më parë e kishte paralajmëruar si Kryeministri i Kosov ashtu dhe Londra zyrtare.
