Skandal/ Kodheli ndërpret mbledhjen e Komisionit të Jashtëm, u kërkua dorëheqja e qeverisë

Mimi Kodheli, kryetare e Komisionit të Jashtëm në Parlamentin e Shqipërisë, ka mbyllur një mbledhje të këtij komisioni ku po raportonte kreu i diplomacisë, Ditmir Bushati, pasi opozita kërkoi dorëheqjen e qeverisë. Tritan Shehu, deputet i PD-së, ka sqaruar për mediat se Kodheli mbylli mbledhjen për të shpëtuar qeverinë nga dështimi.

“Ishte një ngjarje e paprecedentë ne historinë e parlamentit. Kyetarja e komisionit ndërpret mbledhjen për të shpëtuar qeverinë nga të pavertetat e mëdha që po bëjnë.

Fakeqësisht Shqipëria pësoi një dështim  të madh për shkak të kësaj qeverie. Kërkuam dorëheqjen e qeverisë sepse ra integrimi europian. Ministri me leksione teorike u mundua ta fshehë të vertetën dhe kryetarja e komisionit u mundua ta shpëtojë nga mbytja ku ka rënë. Kemi të bëjmë me një përpjekje për të tejkaluar ketë moment tragjik për vendin krijuar nga kjo qeveri”, tha Shehu.