Marrëveshja e Vuçiçit në Pekin, Psikologu serb: Gozhda e fundit në arkivolin evropian të Serbisë!
Takimi i Aleksandar Vuçiçit me presidentin kinez dhe rus në Kinë, shoqëruar me Marrëveshje të firmosura në Pekin, është gozhda e fundit në arkivolin e rrugës evropiane të Serbisë, vlerëson psikologu i njohur serb, Zharko Koraç, epilogun e vizitës së Presidentit të Serbisë në Kinë.
Gjatë ditës së dytë të vizitës në Kinë, Aleksandar Vuçiç, pasi firmosi marrëveshjen për tregtinë e lirë ndërsa ishte në pritje, ose, shmangte takimin dypalësh me Putinin, në vartësi se çfarë politike ka vendosur të udhëheqë me Bashkimin Europian, deklaroi:
“E kam parë Putinin, kërcet nga vetëbesimi!”
Pra, presidenti serb tha para gazetarëve për presidentin i cili është në luftë me Bashkimin Europian dhe gjithë botën perëndimore për shkak të agresionit në Ukrainë, se gjatë një takimi të shkurt, kishte krijuar përshtypjen se “po kërcet nga vetëbesimi”.
“Edhe ashtu, që dy vjet asnjë kapitull i agjendës së anëtarësimit të Serbisë drejt BE-së nuk është hapur, dhe aq më pak ndonjë është mbyllur. Askush më nuk e përmend anëtarësimin në BE. Përkundrazi, në Parlamentin Evropian gjithnjë e më shumë po dëgjohen sanksionet ndaj Serbisë për shkak të ngjarjeve në Kosovë,” thotë për të përditshmen serbe “Danas”, Zharko Koraç.
Dhe, kështu, shton ai, politika e shefes së JUL-it, Mira Markoviç (bashkëshortja e Slobodan Milosheviçit) në fund, pas vdekjes së saj, triumfoi.
“Siç thoshte, “dielli lind në lindje”, Perëndimi edhe ashtu është dekadent dhe kundër Serbisë. Sot të gjitha mediat nën kontrollin e pushtetit përsëritin këtë shprehje të pakuptimtë në variante të ndryshme. Përkatësisht, Serbia kurrë nuk e kishte më mirë, deri sa në Këshillin e Sigurimit të OKB e mbrojnë Rusia dhe Kina. Ashtu siç e mbrojtën Slobodana Milosheviçin. Dhe e dijmë se si përfundoi,” rikujton Zharko Koraç.
Deri sa në Tiranë, gjatë Samitit të Procesit të Berlinit, thotë ai, të gjithas shtetet e rajonit po përgatiten për integrimin në BE, “Presidenti ynë, në Pekin përveç yjerash po merret me çështjet e humorit rë presidentit rus Putin”.
“Marrim vesh se po ‘kërcet nga vetëbesimi’. Shumë mirë, sonte e gjithë Serbia do prehet e qetë. Gjithça është ashtu siç duhet. Dhe, i mundshëm është dhe izolimi i Serbisë? Po kujt i intereson kjo derisa Putin është mirë. Serbia gjithnjë e më shumë i ngjanë Liderit* të Domanoviçit” përfundon psikologu i njohur serb Zharko Koraç./Danas/
*”Lideri”, vepër satirike e Radoje Domanoviçit i cili tallet keq me Kryeministrin dhe liderin e Partisë Radikale Serbe, Nikolla Pashiç, e zhvillimi i ngjarjes pasi kuptohet se Lideri është i verbër dhe ata i shkojnë mbrapa, jo vetëm që përshkruan gjendjen politike të të menduarit kolektiv, por tregon se si sistemi vepron mbi njerëzit në përgjithësi.
