Me Ambasadorin e SHBA, Osmani: Drafti i Statutit Asociacionit, të shqyrtohet nga Kushtetuesja

Presidentja Vjosa Osmani në takimin e rregullt me Ambasadorin e SHBA-së në Prishtinë, Jeffrey Hovenier, diskutuan sot lidhur me zhvillimet e fundit në vend si dhe tema të tjera të interesit të përbashkët

“Në takim u diskutua edhe për të rejat e fundit nga procesi i dialogut mes Kosovës dhe Serbisë, ku Presidentja Osmani theksoi se Kosova është treguar vazhdimisht palë konstruktive, ndërsa Serbia vazhdon me qasjen selektive që pamundëson zbatimin e plotë të marrëveshjes së Brukselit dhe aneksit të Ohrit,” njofton Zyra e Presidencës së Kosovës.

Gjithashtu, Presidentja e Kosovës, Vjosa Osmani, theksoi se propozimi për Draftin e Sstatutit të Asociacionit duhet t’i nënshtrohet shqyrtimit nga Gjykata Kushtetuese ndërsa nënvizoi edhe njëherë rëndësinë e bashkëpunimit të ngushtë me SHBA-të për të arritur progres në procesin e dialogut.