Mediu në Kuvend: Rama ekzekutoi drejtësinë, jemi i vetmi vend pa gjykatë Kushtetuese dhe të Lartë

Kryetari i Partisë Republikane, Fatmir Mediu, ka ngritur sot në Kuvend alarmin mbi mosfunksionimin e sistemit të drejtësisë, ndërsa akuzoi Kryeministrin Edi Rama se ekzekutoi drejtësinë në funskion të tij dhe pazareve të tij të pista.

Mediu u përqendrua tek rënia e shtetit për shkak të mosfunksionimit të Gjyatës Kushtetuese dhe Gjykatës së Lartë. Ai e quajti situaten aktuale një grusht shteti.

“Shqipëria dhe demokracia sot është në krizën më të madhe egzistenciale kushtetuese. Ne jemi në kushtet e një grushti shteti dhe banditizmi kushtetues.

Nuk kemi Gjykatë Kushtetuese, Nuk kemi Gjykatë të Lartë, nuk do ketë Gjykata Apeli, nuk do ketë Gjykata Rrethesh së shpejti.

Pra faktikisht shteti ka rënë sepse një nga kollonat e tij më të rëndësishme, ajo e Pushtetit Gjyqësor, nuk egziston dhe nuk funksionon.

Kjo është situatë skandaloze, ne jemi kthyer në Republikë bananesh dhe Republika Parlamentare Kushtetuese ka pushuar së funksionuari.

Sepse çdo Republikë Parlamentare ka tre pushtete bazë që garantojnë funksionimin e Shtetit dhe të drejtat e shtetasve, ato janë të pavarura dhe ndërveprimi cili garantohet nga parimi check and balance (Kontrollit dhe Balancimit)”, tha Mediu.

Sipas tij, rënia e Pushtetit Gjyqësor do tëthotë rënia e Shtetit, rënia e qytetarëvedhe të drejtave të tyre, sepse është Pushteti Gjyqësor ai që mbron qytetarin nga abuzimi i shtetit, i qeverisë, i Parlamentit dhe është gjyqësori që garanton dhe detyron zgjidhjen e të drejtave të tij.

“Rama de fakto është Gjykatë Kushtetuese,  Gjykatë e Lartë, është Kryeprokuror,  është ligjvënës dhe zbatues, është përcaktuesi dhe mohuesi i të drejtave të shqiptarëve.

Kjo situatë është e paprecedente, është dramatike.

Enver Hoxha, diktatori famëkeq, të paktën fomalisht kishte Gjykata, hetuesi dhe prokurori, ndërsa sot nuk kemi asnjë hallkë të gjyqësorit.

A ka ndonjë vend Europian pa sistem gjyqësor??  A mund të ndodhë në Amerikë të mos ketë Gjykatë të Lartë??

Atëherë përse Shqipëria???

Pse e filloi Rama vetingun nga Gjykata Kushtetues edhe Gjykata e Lartësi dhe kandidaturat për KLD dhe KLP??

Pse i intereson qeverisë shkatërrimi i gjyqësorit???

Së pari: sepse thjesht pa Gjykatë Kushtetuese ai mund dhe po aprovon cdo ligj antikushtetues dhe askush nuk mund ta kundërshtojë.

Së dyti: sepse pa gjyqësor, ajo mund të cënojëcdo të drejtë të qytetarëve, të tjetërsojëpronapublikedhe private për interesat e veta korruptive, sic po ndodh në Bregdet apo me Teatrin Kombëtar, askushnuk ankohet dot në Gjykatë Kushtetuesese ajo nuk ekziston më, dheaskushnuk shkon dot në Gjykatën e të Drejtave të Njeriut ne Strasburg, sepse duhet më parë të kalojë shkallët e gjyqësorit shqiptar, që nuk ekziston”, tha Mediu.