Pasi autorizoi arrestimin e Berishës, Edi Rama noterizon vendimin e GJKKO për Belerin!
Pasi autorizoi arrestimin e liderit të opozitës Sali Berisha dhe vurin nën kontroll ngritjen e Komisioneve Hetimore, ndërsa partneri i tij koalicionit vazhdon intifadën nga Facebooku kundër krijuesit të tij, Kryeministri Edi Rama i dehur nga pushteti shpërfill interesin publik për marrëzitë që bëri sot në parlament dhe mori celularin në dorë për të shfryrë dufin edhe kundër Kryetarit të zgjedhur të Bashkisë Himar, Fredi Belerin, ndonëse e degjeneroi dhe prangosi me SPAK-un e Partisë Socialiste!
Pse Edi Rama noteriozi sot vendimin e GJKKO që nuk i dha Fredi Belerit të betohet si Kryetar i Bashkisë Himarë nuk është e qartë, por, pse GJKKO duhet të turpërohet me këtë vendim mjafton vlerësimi i Kryeministrit: Korrekt ligjor!
“Mosdhënia e lejes për betim në kushtet e paraburgimit nga ana e Drejtorisë së Përgjithshme të Burgjeve, rezulton përfundimisht një qëndrim korrekt ligjor, ashtu sikundër edhe refuzimi i gjykatës speciale ndaj kërkesës është qartësisht i lexueshëm dhe lehtësisht i kuptueshëm,” thotë Edi Rama përmes rrjetit social X, ky njohës i madh i ligjit dhe korrektësisë!
Po, po, ky Edi Rama i mërtirëve e zotove me inceneratorë!
Reagimi:
Nga leximi i vendimit të arsyetuar të GJKKO mbi mosdhënien e lejes për betimin e kryebashkiakut të zgjedhur të Himarës, shoh të udhës të nënvizoj publikisht sa më poshtë:
1. Mosdhënia e lejes për betim në kushtet e paraburgimit nga ana e Drejtorisë së Përgjithshme të Burgjeve, rezulton përfundimisht një qëndrim korrekt ligjor, ashtu sikundër edhe refuzimi i gjykatës speciale ndaj kërkesës është qartësisht i lexueshëm dhe lehtësisht i kuptueshëm.
2. Fakti që kryetari i zgjedhur i Himarës mbetet i tillë deri në fund të gjykimit dhe vetëm shpallja me vendim të formës së prerë do të përcaktojë mundësinë e tij për t’u betuar në rast pafajësie apo pamundësinë e tij për të mbetur kryebashkiak në rast fajësie, është po ashtu qartësisht i lexueshëm dhe lehtësisht i kuptueshëm.
3. Referimi nga ana e GJKKO e ngërçit që krijohet në vazhdimësinë e përkohshme të detyrës nga ana e kandidatit humbës, përderisa faktikisht kryebashkiaku i zgjedhur mbetet në paraburgim, ndërkohë që kryebashkiaku ende në zyrë nuk e ka legjitimitetin për të drejtuar bashkinë në mungesë të fituesit, e bën qartësisht të lexueshme dhe lehtësisht të kuptueshme nevojën e daljes nga ky ngërç përmes ndërprerjes së vazhdimësisë së qëndrimit në detyrë të kandidatit humbës, bazuar në praktikat më të mira europiane për sigurimin e shërbimeve publike në bashkinë e Himarës. Si përfundim, ky vendim i arsyetuar i GJKKO është një konfirmim i padiskutueshëm ligjor i “çështjes Beleri” si një çështje e drejtësisë, assesi e politikës apo kurrësesi e organeve të qeverisë qendrore. Po ashtu arsyetimi i këtij vendimi krijon një premisë pozitive për adresimin e ngërçit të lartpërmendur.
