Zvicër, policia vret iranianin i cili mbajti 15 pengje në tren

Policia e Zvicrës ka bërë të ditur se ka vrarë një 32-vjeçar iranian pasi i armatosur me sëpatë dhe thikë ka mbajtur për katër orë 15 njerëz si pengje, në trenin në mes Baulmesit dhe Yverdon-les-Bainsit.

“Të gjithë pengjet janë liruar të palënduar. Sulmuesi mori plagë fatale gjatë ndërhyrjes,” bëri të ditur policia e kantonit Vaud pas ndërhyrjes në tren duke mos dhënë detaje për motivet e autorit.

Ndryshe, rastet me pengje në Zvicër janë shumë të rralla, e kur ato ndodhin zakonisht kanë të bëjnë me banka dhe kompani. Në janarin e vitit 2022, punëtorët e kompanisë për prodhimin e orëve janë marrë pengje dhe u detyran të hapin kasafortën me metale të çmuara.