Lufta në Ukrainë, Shtabi i Përgjithshëm: Rusia ka humbur 426.870 ushtarë, vetëm dje 980!

Nga fillimi i pushtimit të Ukrainës, Rusia ka humbur 426.870 ushtarë, ka bërë të ditur Shtabi i Përgjithshëm i Forcave të Armatosura të Ukrainës, duke shtuar se këtu përfshihen dhe 980 të vrarët që forcat ruse i humbën dje në fushëbetejën ukrainase.

Sipas Raportit, Rusia gjithashtu ka humbur 6.752 tanke, 12.921 mjete të blinduara ushtarake, 13.932 mjete dhe autobote për karburant, 10.554 sisteme të artilerisë, 1.017 sisteme raketore, 715 sisteme të mbrojtjes kundërajrore, 347 avionë, 325 helikopterë, 8.205 dronë, 26 anije dhe një nëndetëse.

Ndërkohë mëngjesin e sotëm, Agjencia e lajmeve Reuters mëson se Shërbimi ukrainas i Sigurisë qëndron pas sulmeve me dronë ndaj rafinerive ruse në Rjazan, Kstov dhe Kirishi, bazës ajrore Buturlinkov dhe aeroportin ushtarak Voronjezh.

Ndryshe, para disa muajve Rusia ishte shprehur se sikur Ukraina të mbledhë 50 mijë dronë, kjo do të ishte diçka e frikshme.

Por çfarë po ndodhë në Ukrainë! Dronët FPV sot janë elementi kyç i forcës ushtarake ukrainase. Fjala është për një armë të lirë dhe precize që mund të shkatërroj tanke dhe shënjestra tjera ushtarake nga distanca shumë largëta, si dhe mund të plotëson boshllëkun e krijuar me mungesën e artilerisë në ushtrinë ukrainase, shkruan Forbes.

Vitin e kaluar, qëllimi i Ukrainës ishte të prodhoj 200 mijë dronë. Për vitin 2024, Presidenti Zelenskyy ka paralajmëruar prodhimin e një milionë dronëve. Për momentin, gjithçka po shkon sipas planit. Zv/Ministrja për industrinë strategjike, Hanna Hvozidar, tha për Forbes se në muajin janar dhe shkurt të vitit 2024 janë prodhuar rreth 200.000 dronë FPV.