Manjani: Të ngrihen urgjent institucionet e drejtësisë, do dalin edhe të burgosurit nga burgjet…
Ylli Manjani, ish-ministër i Drejtësisë, përmes një postimi në rrjet e ka cilësuar si një akt krejt të pastër korruptiv dhe anti-reformë draftin ligjor të propozuar nga socialistët për Magjistraturën.
Manjani apelon gjetjen e zgjidhjeve urgjente për ngritjen menjëherë të Gjykatës Kushtetuese, së Lartë, KLGJ, KLP dhe Inspektorin e Përgjithshëm.
“Pa këto organe drejtësia është në kolaps. Shumë shpejt do dalin nga burgjet edhe të arrestuarit…
Po u ngritën këto Institucione zgjidhen të giitha të tjerat. Edhe Shkolla e Magistraturës, edhe SPAK, edhe BKH edhe Prokurori i Përgjithshëm”, shkruan Manjani.
Postimi i Ylli Manjanit
E përsëris: Miratimi i ligjit për Magjistraturën është akt anti-reformë dhe krejt i pastër korruptiv!
Politika duhet të gjejë zgjidhje për të ngritur menjëherë:
- Gjykatën Kushtetuese,
- Gjykatën e Lartë,
- Këshillin e Lartë Gjyqësor (KLGJ),
- Këshillin e Lartë të Prokurorisë (KLP),
- Inspektorin e Përgjithshëm.
Pa këto organe drejtësia është në kolaps. Shumë shpejt do dalin nga burgjet edhe të arrestuarit…
Po u ngritën këto Institucione zgjidhen të giitha të tjerat. Edhe Shkolla e Magistraturës, edhe SPAK, edhe BKH edhe Prokurori i Përgjithshëm.
Të gjitha zgjidhen!
Parlamenti nuk mund të merret me çështje që janë detyra kushtetuese dhe ligjore të KLGJ dhe KLP. Njësoj si me ligjin e Teatrit, ku Parlamenti merr vendime që i takojnë Keshillit Bashkiak! Ose njësoj si me zgjedhjen anti kusjtetuese të Prokurores së Përkohshme të Përgjithshme!
Ndaj, të paktën Opozita duhet ti qëndrojë strikt nevojës për krijimin e institucioneve të renditura më sipër.
Ska asnjë temë tjetër për dialog, përveç krijimit të 5 institucioneve themelore të sistemit të drejtësisë!
