Foto e Ditës/ Buzëqeshja e Ballukut nuk është parë as ditën e parë si shef te Kraja e largëqoftë Dumani
Buzëqeshja që serviri Zv/Kryeministrja dhe Ministrja e Infrastrukturës dhe Energjisë, Belinda Balluku, pas 210 minutave dëshmi në Prokurorinë e Posaçme kundër Krimit të Organizuar dhe Korrupsionit, për çështjen e inceneratorit të Tiranës, shqiptarët nuk e kishin parë as tek Altin Dumani ose hetuesi i Sigurimit të Shtetit, Arben Kraja, ditën kur u zgjodhën në krye të SPAK!
Për ata që kishin ndonjë pritshmëri nga drejtësia e reformuar ajo nuk tha asgjë normale, me kode, po, dhe në shenjesër është ai që doli nga kopeja pa leje, Lali Eri!
“Ishte një thirrje sa i përket dosjes 255 që është inceneratorit i Tiranës. Duhet të jepja disa sqarime që shpresoj të ketë shërbyer për zbardhjen e kësaj dosje. Kjo është ndarja e vërtetë e pushteteve. Pra qeveria ka punën e saj, parlamenti ka punën e tij dhe drejtësia punën e tij. Ne jemi këtu për ta mbështetur.
Kjo është një dosje që ka bërë pis të madh dhe të vogël, për të ndarë njëherë e mirë të mirën nga e keqja, punën e ndershme nga abuzimi i pafalshëm,” tha ministrja Belinda Balluku ndërsa ditët në vijim pritet përgjigja nga Lali Eri si pronar faktik i pisllëkut që pretendon mbesa e Beqir Bllokmenit!
Ndryshe, Zv/Kryeministrja dhe Ministrja e Infrastrukturës dhe Energjisë, Belinda Balluku, u shfaq në mjediset e Prokurorisë së Posaçme, pak para orës 16:00 dhe doli rreth orës 19:30 për t’u shitur nga mediat nën kontrollin e Edi Ramës si funksionim i madh i reformës së drejtësisë meqë një ministre shkon edhe në SPAK ndërsa nuk raportohet fakti se vartësit e Ballukut tashmë janë arrestuar dhe nën hetim!
