E frikshme/ Shkarje dheu në rrugën Klinë-Gjakovë

Pas shkarjes së dheut në aksin rrugor Klinë-Gjakovë, kolona të gjata makinash janë detyruar janë detyruar të gjejnë zgjidhje në rrugë alternative ose të kthehen mbrapsht ndërkohë Policia e Kosovës raporton se është angazhuar një kompani dhe aktualisht po kryen punimet në largimin e dheut.

“Policia e Kosovës është informuar për shembjen e dheut në orën 01:00 pas mesnatës. Policia ka dalë në vendngjarje, pra ku është shembur dheu në Volljakë, ku edhe janë duke u kryer punime. Rruga vazhdon të jetë e pakalueshme edhe në momentin që po flasim.

Në vendngjarje është edhe kompania që është duke i kryer punimet dhe po mundohemi që të largojmë dheun,” tha Zëdhënësi i Policisë për Rajonin e Pejës, Driton Rugova, për aksin rrugor i cili vazhdon të jetë i bllokuar.

Ndryshe, mediat lokale duke ju referuar ekspertëve lokal dhe pamjeve me dron, raportojnë se pritet shkarje e mëtjme e dheut në fshatin Volljakë.