Zjarret/ Tre shqiptarë humbën jetën, rezultojnë të zhdukur edhe dy fëmijë

Tre shqiptarët që humbën jetën si pasojë e flakëve që pushtuan zonën e Atikës në Athinë (Greqi) raportohet se punonin në një restorant.

Sipas mediave, shqiptaret nuk arritën të shpëtonin, ndërkohë që një i katërt fatmirësisht ka mundur t’I mbijetojë situatës së tmerrit.

Ndërkohë që flitet edhe për dy fëmijë shqiptarë që rezultojnë të humbur.

Lajmet që përcillen nga Atika janë tronditëse, pasi numri i viktimave mund të rritet në mënyrë të frikshme.

Deri më tani mediat raportojnë për gjetjen e të paktën 54 trupave të pajetë, ndërkohë që mbi  170 janë të plagosur.

Flakët përpinë mbi 1 mijë banesa dhe qindra automjete, ndërsa Kryeministri Aleksi Tsipras ka shpallur gjendjen e jashtëzakonshme.

Kryebashkiaku i Rafines ka thënë se numri i të vdekurve mund të jetë me 3 shifra, pasi ka dyshime se disa njerëz janë hedhur në det për të shpëtuar nga flakët dhe janë mbytur.

Në automjetet e shkrumbuara janë gjetur edhe nëna me fëmijë të përqafuar.

Italia, Polonia, Gjermania dhe Franca kanë dërguar avionë për neutralizimin e flakëve.