Sot barbarët para gjyqit, avokati Sokol Mëngjesi në gjendje të rëndë
Sot në seancën e cila do të zhvillohet në Gjykatën e Tiranës, prokuroria do të kërkoj masën “arrest me burg” për organizatorin e sulmit barbar ndaj avokatit Sokol Mëngjesi, Dritan Nano, dhe njërin prej autorëve të arrestuar, Dorian Alia, me akuzat plagosje e rëndë me dashje kryer ne bashkëpunim, kundërshtim dhe goditje e gjyqtarit po e kryer në bashkëpunim.
Ndërsa për tre autorët e tjerë të identifikuar si Drivald Alia, Elton Kasaj dhe Romario Tabaku, prokuroria ka kërkuar caktimin e masës së sigurisë arrest me burg në mungesë për të njëjtat akuza si Nano e Alia.
Të akuzuar për sulmin:
Dritan Nano, 58 vjeç nga Tirana Organizatori sulmit- I ndaluar me iniciativë, vjehrri i autorit kryesor të sulmit
Dorian Lila, 32 vjeç nga Tirana Dhunuesi – U vetëdorëzua pasditen e 29 majit, dhëndri i Nanos, dyshohet se bashkoi grupin për të realizuar planin
Elton Kasaj, 33 vjeç nga Tirana Autor sulmi – i shpallur në kërkim DRIVALD ALIA, 21 VJEÇ NGA TIRANA Autor sulmi – i shpallur në kërkim
Romario Tabaku, 26 vjeç nga Tirana i pranishëm në vendin e ngjarjes, largoi autorët me makinë – i shpallur në kërkim
Ndryshe, avokati Sokol Mëngjesi u dhunua mëngjesin e 29 majit, vetëm pak minuta pasi kishte lënë djalin e vogël në kopsht, në zonën e Ish-Bllokut në Tiranë . Njëri prej autorëve, Dorian Alia, u vetëdorëzua duke pranuar se porositës i sulmit është Dritan Nano, dhe se qëllimi i dhunës ishte paralajmërimi që avokati 45 Mëngjesi të tërhiqej nga padia kundër Nanos për të marrë çka i takonte në pronën e fituar me gjyq te kullat e Liqenit. Por, Dritan Nano e ka mohuar të jetë porositës i kësaj dhune!
Ndërkohë sipas të dhënave nga Spitali i Traumës, gjendja shëndetësore e avokatit Sokol Mëngjesi është e rëndë, ai ndodhet ende në intubim, por mjekët janë optimistë pasi ënjtja që ka në një zonë të trurit nuk është zmadhuar. Për momentin nuk vlerësohet ndonjë ndërhyrje kirurgjikale.
