Për barbarët gjykata jep masën “arrest me burg”, avokati Sokol Mëngjesi në koma
Sot Gjykata e Tiranës ka vendosur masën “arrest me burg” për organizatorin e sulmit barbar ndaj avokatit Sokol Mëngjesi, Dritan Nano, dhe njërit prej autorëve të arrestuar, Dorian Alia, si dhe për tre personat tjerë në mungesë, Drivald Alia, Elton Kasaj dhe Romario Tabaku, të shpallur në kërkim.
Risi në akuzën kundër këtyre kriminalëve ishte zbutja që i bëri Prokuroria nga “vrasje të funksionarëve publik e mbetur në tentativë” në “plagosje e rëndë me dashje kryer në bashkëpunim dhe kundërshtim dhe goditja e gjyqtarit, kryer në bashkëpunim.”
Të akuzuar për sulmin:
Dritan Nano, 58 vjeç nga Tirana Organizatori sulmit- I ndaluar me iniciativë, vjehrri i autorit kryesor të sulmit
Dorian Lila, 32 vjeç nga Tirana Dhunuesi – U vetëdorëzua pasditen e 29 majit, dhëndri i Nanos, dyshohet se bashkoi grupin për të realizuar planin
Elton Kasaj, 33 vjeç nga Tirana Autor sulmi – i shpallur në kërkim DRIVALD ALIA, 21 VJEÇ NGA TIRANA Autor sulmi – i shpallur në kërkim
Romario Tabaku, 26 vjeç nga Tirana i pranishëm në vendin e ngjarjes, largoi autorët me makinë – i shpallur në kërkim
Ndërkohë nga Spitali i Traumës mësohet se gjendja e avokatit Sokol Mëngjesi është e pandryshuar, dhe nëse ajo do të jetë e njëjtë edhe këto dy ditë, ditën e hënë mund të ulet doza e qetësuesve në mënyrë graduale dhe mund të shihet se si do të reagojë pacienti.
