Ja që Edi Rama e kontrollon drejtësinë, mjeku Edmond Gashi me “arrest shtëpie” në kafe sepse nuk quhet Sali Berisha
Bota nuk i quan rastësi rastet e përsëritura por në shtetin e Edi Ramës nuk quhen rastësi të gjitha rastet që mbështeten nga qeveria! I tillë është rasti me krimin në Spitalin e Onkologjisë në QSUNT, ku mjekët jo vetëm që nuk ndjejnë pendesë për pacientët e vrarë për shkak të trajtimit të tyre, por, njëri kujdeset për foton që i publikojnë mediat kurse tjetrit nuk i intereson as masa e arrestit që i vendos gjykata edhe pse është i shoqëruar me poloci!
Natyrisht, në shtetin e Edi Ramës nuk mjafton të jesh doktor, por, nuk duhet të quhesh Sali Berisha!
Dhe, kur quhesh Sali Berisha përveç se të ashpërsohet me urgjencë masa e sigurisë, filmohesh në ballkon dhe i shpërndahen të gjitha mediave pamjet se si lideri i opozitës po vuan në ballkonin e tij masën e caktuar të sigurisë!
Ndërsa kur nuk quhesh Sali Berisha, dhe doktor si për shembull Edmond Gashi, edhe pse je pjesë e një grupi të strukturuar kriminal që ka kontribuar në vrasjen e njerëzve me kancer, mund ta shkelësh masën e sigurisë sapo të është dhënë nga Gjykata e Tiranës. Dhe, jo me stil, por sapo iu komunikua se masa e sigurisë ndaj tij dhe 7 të tjerëve u la në fuqi, mjeku Edmond Gashi u largua me vrap nga Gjykata e Tiranës, i pashoqëruar nga policia ndonëse ishte në “arrest shtëpie” dhe në sy të të gjitha kamerave kur vëmendja mediatike dhe jo vetëm, ndaj këtij rasti ishte në pikun e saj.
Mjeku Edmond Gashi nuk e kishte problem të vazhdoj shkeljen e masës së sigurisë i pashqetësuar duke rrufitur kafe në lokalin e afërt, jo sepse mjeku është aq trim dhe largohet i pashoqëruar nga policia drejt një restoranti jashtë Tiranës për një drekë me paratë e vitkimave të Onkologjikut, por sepse nuk quhet Sali Berisha!
Gjykata e lau veten me publikimin e pamjeve nga Gjykata dhe pret Prokurorinë, ndërsa Policia e Taulant Ballës, jo si në rastin e Sali Berishës me urgjencë, u shpreh se Specialistët për Hetimin e Krimeve të Komisariatit të Policisë Nr. 6 kanë referuar materialet në Prokurorinë pranë Gjykatës së Shkallës së Parë të Juridiksionit të Përgjithshëm Tiranë, për shtetasin E. G., 47 vjeç, banues në Tiranë, për veprën penale “Largimi i të burgosurit nga vendi i qëndrimit”, dhe për shtetasin E. S., 22 vjeç, banues në Tiranë, për veprën penale “Veprime që pengojnë zbulimin e së vërtetës”. Shtetasi E. G. ka thyer shkelur masën e sigurisë “Arrest në shtëpi”, duke dalë jashtë banesës, ndërsa shtetasi E. S. ka fshehur DVR-në me pamjet filmike nga lokali ku ka qëndruar shtetasi E. G.
Në fund, të gjithë ju që keni pritshmëri nga gjykatat e Edi Ramës dhe u kënaqët me trajtimin e Sali Berishës, nuk keni problem me bindjet tuaja politike dhe për Reformën në Drejtësi, por, me veten tuaj, që vazhdoni nga viti i errët 1944 ta konsideroni çdo të keqe, NORMALE, nëse nuk ju ndodhë Juve!
