Grupi Parlamentar i PS e thotë qartë: Vendimin e Gj.Kushtetuese e votojmë siç mendojmë!
Mosrespektimi i vendimit të Gjykatës Kushtetuese nga Edi Rama lidhur me mandatin e Olta Xhaçkës u interpretua në mënyra të ndryshme, por, sot kryetari i Grupit Parlamentar të Partisë Socialiste, Bledi Çuçi, e sqaroj njëherë e mirë pse PS vendimin e Gjykatës Kushtetuese nuk e zbatpn ndonëse është i detyrueshëm që të zbatohet, duke e quajtur tentim të krijimit të një normë të re ligjore që nuk ia lejon Kushtetuta!
“Çështja e raportit të Parlamentit me Gjykatën Kushtetuese mendoj se është raport që e përcakton qartë Kushtetuta. GJK ka autoritetin të shfuqizojë çdo ligj, vendi, akt të marrë nga Kuvendi nëse e gjykon që është në kundërshtim me Kushtetutën.
Ka pasur një vendim të Gjykatës Kushtetuese që ka shfuqizuar 2 vendime të Kuvendit dhe Kuvendi pa dyshim nuk e diskuton vendimin por i shfuqizoi.
Në rastin konkret ka një paqartësi mbi faktin nëse duhet që një deputet apo të gjithë duhet të votojnë në një formë të caktuar të detyruar nga një vendim jo nga ajo çfarë mendojnë. Ky është një debat që nuk ka gjetur zgjidhje as me vendimin e Gjykatës Kushtetuese,” thotë Bledi Çuçi duke i dhënë fund edhe debatit se pse Partia Socialiste nuk e respekton vendimin e Gjykat Kushtetuese.
“Përkundrazi, Gjykata Kushtetuese në gjykimin tonë ka tentuar të krijojë një normë të re ligjore, që nuk ia lejon Kushtetuta. Thjeshtë duhet të gjykojë normat ekzistuese. Deputetët kanë të drejtë të votojnë siç mendojnë. Ia njeh Kushtetuta. Madje deputeti nuk mban as përgjegjësi për votën e tij. E parashikon neni 73. Kemi menduar t’i kërkojmë Komisionit të Venecias një mendim përfundimtar për të zgjidhur ngërçin!”
Në fund, në shtetin Edi Ramës dikush edhe mund ti drejtohet Komisionit Venecias, por në rastin e mandatit të ish-ministres Olta Xhaçka, i vetmi që duhet të përfundoj në Venecia është kjo shpikje e nomenklaturës komuniste në pushtet që nuk zbaton Vendimin e gardianit të Kushtetueses por e përkufizon si “tentim të krijojë një normë të re ligjore, që nuk ia lejon Kushtetuta”!.
