Foto e ditës/ Funerali i Reformës në Drejtësi

Sot, SPAK, pasi i hapi gropën Reformës në Drejtësi dhe caktoi masën e sigurisë në mënyrë të paligjshme deputetit Sali Berisha duke shpërfillur Parlamentin, pas mbi tre vjet hetime dhe tetë muaj “arrest shtëpie”, i komunikoi se është i pandehur pa i treguar qoftë dhe një provë.

Qytetarët shqiptarë që sot shprehën mbështetje për liderin e opozitës ishin ata që nuk panë një masë sigurie si të Sali Berishës ndaj asnjë zyrtari të lartë ose ish-ministri, ishin ata që të tmerruar morën pjesë në funeralin që SPAK kishte përgatitur për Reformën në Drejtësi!

Reformë, e cila sot duke u mbuluar nga dheu i Edi Ramës, kishte një mesazh të qartë për të ardhmen e të gjithë atyre që jetojnë në këtë shtet që edhe Ligji e braktisi:

Kur Ish-Presidenti dhe Ish-Kryeministri shpallet i pandehur dhe arrestohet në këtë mënyrë, çfarë i ngelet një qytetari të thjeshtë…