Në takim me Tërnavën, Osmani: Kosova, krenare me nivelin e tolerancës ndërfetare

Forcimi i pozitës ndërkombëtare të Kosovës, tradita e tolerancës ndërfetare dhe nevoja për vazhdimin e kultivimit të saj ishin tema diskutimi në takimi që Presidentja e Kosovës, Vjosa Osmani, zhvilloi me kreun e Bashkësisë Islame të Kosovës, Naim Tërnava, ku u diskutua dhe angazhimi i Bashkësisë Islame.

Presidenctja Osmani shprehu vlerësimin e thellë për përpjekjet e Bashkësisë Islame të Kosovës, BIK, për dialog, mirëkuptim dhe unitet ndërmjet të gjithë komuniteteve fetare në Kosovë.

“Në një kohë ku paqja dhe mirëkuptimi global janë më të rëndësishme se kurrë, Kosova është krenare që vazhdon ta mbajë lart nivelin e tolerancës dhe harmonisë ndërfetare,” tha Presidentja e Kosovës, Vjosa Osmani.

Gjithashtu, thekson Presidenca përmes një njoftimi, në takim u fol edhe për rolin jetik të të gjitha bashkësive fetare dhe nevojës së një angazhimi të përbashkët kundër gjuhës së urrejtjes dhe në favor të tolerancës, mirëkuptimit dhe respektit të ndërsjellë.