Video/ Presidentja Osmani pritet me brohoritje në West Point: Kosova, Kosova…
“Falë përkushtimit të trupave amerikane dhe mbështetjes së SHBA-së, populli i Kosovës është më në fund i lirë, i pavarur dhe duke jetuar në demokraci,” ishin këto fjalë e Presidentes së Kosovës, Vjosa Osmani, para kadetëve amerikanë në Akademinë Ushtarake West Point që u pritën me shumë entuziazëm ndërsa filluan brohoritjet:
“Kosova, Kosova, Kosova…”
“Jam këtu për t’ju falënderuar nga thellësia e zemrës për udhëheqjen tuaj, për udhëheqjen tuaj të guximshme dhe për përkushtimin tuaj ndaj paqes dhe sigurisë, jo vetëm këtu, por edhe jashtë vendit,” tha Presidentja e Kosovës, Vjosa Osmani, para ushtarëve amerikanë në West Point.
Këto momente emocionuese të një mikëpritje amdhështore, Presidentja e Kosovës, Vjosa Osmani i ka ndarë edhe me ndjekësit në rrjetin social X duke e bërë të qartë se lidhja me Shtetet e Bashkuara është e fortë, dhe, së bashku qëndrojmë të bashkuar ndërsa përfundoi:
“Kjo është ajo që e përfaqëson aleanca Kosovë-SHBA! Një mirëseardhje e jashtëzakonshme nga kadetët dhe personeli ushtarak në West Point. Lidhja jonë është e fortë dhe së bashku qëndrojmë të bashkuar.”
