Vazhdon terrori serb në Veri të Kosovës, shpërthim në Zubin Potok

Bandat e Vuçiçit vazhdojnë me terrorin serb në Veri të Kosovës! Një tjetër shpërthim ka ndodhur në mesnatë në Zubin Potokut.

Zv/Drejtori i Policisë së Kosovës për Rajonin e Veriut, Veton Elshani, ka bërë të ditur se rasti ka ndodhur rreth orës 23:30.

“Në Zubin Potok është raportuar një shpërthim nga i cili dyshohet se ka shkaktuar edhe një zjarr në një ndërtesë të pabanuar e të papërfunduar,” tha Zv/Drejtori i Policisë së Kosovës për Rajonin e Veriut duke shtuar se ende nuk dihet shkaku i shpërthimit.

“Nuk ka të lënduar, ndërsa policia dhe zjarrfikësit janë në vendin e ngjarjes. Ende nuk dihet se nga çka është shkaktuar shpërthimi, por njësitet policore adekuate janë në vendin e ngjarjes.”

Mësohet se shpërthimi ka ndodhur në një objekt banimi në ndërtim e sipër, pronë e Ish-Kryetarit të Komunës së Zubin Potokut, Stevan Vuloviç.

Ndryshe, shpërthimi në Zubin Potok është akti terrorist i radhës pas instalimit të sundimit të ligjit në Veri të Kosovës dhe dëbimit të bandave të Vuçiçit që menaxhohen nga krimineli Milan Radoiçiç!